ଲଣ୍ଡନ : ଆଜିକାଲି ସ୍ମାର୍ଟଫୋନ ଲୋକଙ୍କର ଅତି ଆପଣାର ହୋଇଯାଇଛି । ଖାଇବା, ପିଇବା, ଶୋଇବା, ଏପରିକି ବାଥରୁମ୍ ଯିବା ବେଳେ ମଧ୍ୟ ଫୋନ ବ୍ୟବହାର କରୁଛନ୍ତି । ହେଲେ ଶୋଇବା ବେଳେ ଫୋନ ବ୍ୟବହାର ତାଙ୍କ ଯୌନ ଜୀବନକୁ ପ୍ରଭାବିତ କରୁଛି, ଏହା ସେମାନଙ୍କର ଜ୍ଞାତକୁ ଆସୁନାହିଁ । ଏକ ନୂତନ ଅଧ୍ୟୟନରେ କୁହାଯାଇଛି ଯେ ସ୍ମାର୍ଟଫୋନର ଅତ୍ୟଧିକ ବ୍ୟବହାର କେବଳ ଆମର ମାନସିକ ସ୍ଥିତିକୁ ପ୍ରଭାବିତ କରେ ନାହିଁ, ବରଂ ଏହା ଲୋକଙ୍କ ଯୌନ ଜୀବନ ପାଇଁ ମଧ୍ୟ ବହୁତ କ୍ଷତି ଘଟାଏ ।
ମୋରୋକୋର ଶେଖ ଖଲିଫା ବେନ ଜାଏଦ ଅନ୍ତର୍ଜାତୀୟ ବିଶ୍ୱବିଦ୍ୟାଳୟ ହସପିଟାଲର ଯୌନ ସ୍ୱାସ୍ଥ୍ୟ ବିଭାଗ ଦ୍ୱାରା କରାଯାଇଥିବା ଏକ ଅଧ୍ୟୟନରେ ୬୦ ପ୍ରତିଶତ ଲୋକ କହିଛନ୍ତି ଯେ ସ୍ମାର୍ଟଫୋନ୍ ସେମାନଙ୍କ ଯୌନ ଜୀବନରେ ସମସ୍ୟା ସୃଷ୍ଟି କରିଛି ।
ମୋରୋକୋ ୱାର୍ଲ୍ଡ ନ୍ୟୁଜରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ସମସ୍ତ ୬୦୦ ଅଂଶଗ୍ରହଣକାରୀଙ୍କର ସ୍ମାର୍ଟଫୋନ୍ ଥିଲା ଏବଂ ରାତିରେ ୯୨ ପ୍ରତିଶତ ଲୋକ ଏହାକୁ ବ୍ୟବହାର କରୁଥିବାବେଳେ କେବଳ ୧୮ପ୍ରତିଶତ ଲୋକ ନିଜ ଶୋଇବା ଘରେ ଫ୍ଲାଇଟ ମୋଡରେ ରଖିଥିଲେ ।
ଅଧ୍ୟୟନରୁ ଜଣାପଡିଛି ଯେ, ୨୦ ରୁ ୪୫ ବର୍ଷ ବୟସ୍କ ବୟସ୍କଙ୍କ ଉପରେ ସ୍ମାର୍ଟଫୋନ୍ ନକାରାତ୍ମକ ପ୍ରଭାବ ପକାଉଛି । ୬୦ ପ୍ରତିଶତ ଅଂଶଗ୍ରହଣକାରୀ ସ୍ୱୀକାର କରିଛନ୍ତି ଯେ ସ୍ମାର୍ଟଫୋନ୍ ଯୋଗୁଁ ସେମାନଙ୍କର ଯୌନ ପ୍ରଦର୍ଶନ ପ୍ରଭାବିତ ହୋଇଛି । ରିପୋର୍ଟରେ କୁହାଯାଇଛି ଯେ ୫୦ ପ୍ରତିଶତ ଅଂଶଗ୍ରହଣକାରୀ ସ୍ୱୀକାର କରିଛନ୍ତି ଯେ ସେମାନେ ସେମାନଙ୍କର ଯୌନ ଜୀବନରେ ସନ୍ତୁଷ୍ଟ ନୁହଁନ୍ତି କାରଣ ସେମାନଙ୍କର ଅଧିକାଂଶ ସମୟ ସ୍ମାର୍ଟଫୋନରେ ଖର୍ଚ୍ଚ ହୋଇଥାଏ ।
ଏହାପୂର୍ବରୁ, ଡୁରୁମ୍ ୟୁନିଭରସିଟି ଏବଂ କଣ୍ଡୋମ ନିର୍ମାତା ଡ୍ୟୁରେକ୍ସ ଦ୍ୱାରା କରାଯାଇଥିବା ଏକ ଅଧ୍ୟୟନରୁ ଜଣାପଡିଛି ଯେ, ଲୋକମାନେ ସେମାନଙ୍କ ପାର୍ଟନରଙ୍କ ଅପେକ୍ଷା ଗ୍ୟାଜେଟ୍ ଦ୍ୱାରା ଅଧିକ ହଇରାଣ ହେଉଛନ୍ତି । ଅଧ୍ୟୟନରେ ଅଂଶଗ୍ରହଣ କରୁଥିବା ଏକ ତୃତୀୟାଂଶ ଲୋକ ସ୍ୱୀକାର କରିଛନ୍ତି ଯେ ଆସୁଥିବା କଲ୍ ଯୋଗୁଁ ସେକ୍ସ ବାଧାପ୍ରାପ୍ତ ହୋଇଛି । ଅଧ୍ୟୟନରେ କୁହାଯାଇଛି ଯେ ଆପଣଙ୍କ ସହିତ ଶୋଇବା ଘରକୁ ସ୍ମାର୍ଟଫୋନ୍ ନେବା ଆପଣଙ୍କ ପାଇଁ ଅତ୍ୟନ୍ତ ବିପଜ୍ଜନକ ହୋଇପାରେ ।
