Aahana Kumra On Not Getting Work : ବଲିଉଡ ହେଉ କିମ୍ବା ଟିଭି ଇଣ୍ଡଷ୍ଟ୍ରି, କୌଣସି ଅଭିନେତା କିମ୍ବା ଅଭିନେତ୍ରୀଙ୍କ କ୍ୟାରିୟରରେ ଉଥାନ-ପତନ ଲାଗି ରହିଛି । ବେଳେବେଳେ କେହି ଗୋଟିଏ ପରେ ଗୋଟିଏ ପ୍ରୋଜେକ୍ଟ ପାଆନ୍ତି ତ ଆଉ କିଏ କାମଟିଏ ପାଇବାକୁ ବାରଦୁଆର ସୁଣ୍ଡିପିଣ୍ଢା ହୁଏ । ଏପରି ଜଣେ ଅଭିନେତ୍ରୀ କାମ ନ ପାଇବା ପରେ ଯନ୍ତ୍ରଣା ଅନୁଭବ କରୁଛନ୍ତି । ଅଭିନେତ୍ରୀ ପ୍ରକାଶ କରିଛନ୍ତି ଯେ, ଅଭିନୟ ଅଫର ନ ଥିବାରୁ ସେ ଆୟ ପାଇଁ ଅନ୍ୟ ବିକଳ୍ପ ଉପରେ ଧ୍ୟାନ ଦେଉଛନ୍ତି ।
ଏହି ଅଭିନେତ୍ରୀ ହେଉଛନ୍ତି ଅହାନା କାମ୍ରା ଯିଏକି ୨୦୨୨ ମସିହାରେ ‘ଇଣ୍ଡିଆ ଲକଡାଉନ୍’ରେ ଶେଷ ଥର ପାଇଁ ଦେଖାଯାଇଥିଲେ । ନିକଟରେ ହିନ୍ଦୁସ୍ତାନ ଟାଇମ୍ସକୁ ଦିଆଯାଇଥିବା ଏକ ସାକ୍ଷାତକାରରେ ଅଭିନେତ୍ରୀ ଜଣାଇଛନ୍ତି ଯେ, ସେ କିପରି କାମ କରିବାକୁ ଆଗ୍ରହୀ ଥିଲେ ଏବଂ ତାଙ୍କ ଘର ଚଳାଇବା କଷ୍ଟକର ହୋଇପଡିଥିଲା । ସେ କହିଛନ୍ତି- ‘ମୁଁ ବର୍ତ୍ତମାନ କୌଣସି ଶୋର ଅଫର ପାଇନାହିଁ, ତିନି ବର୍ଷରୁ ଅଧିକ ସମୟ ଧରି ମୋତେ କୌଣସି ଅଫର ମିଳିନାହିଁ ।’
‘ମୁଁ ଓଟିଟିରେ ବହୁତ କାମ କରୁଥିଲି, କିନ୍ତୁ …’
ଅହାନା କହିଛନ୍ତି- ‘ମୋତେ କେହି କିଛି ଦେଉନାହାଁନ୍ତି । ମୁଁ ଓଟିଟିରେ ବହୁତ କାମ କରୁଥିଲି । କିନ୍ତୁ ମୁଁ ଏତେ ବର୍ଷ ଧରି କିଛି କରି ନାହିଁ ଏବଂ ମୋର ଏଥିରେ କୌଣସି ଅସୁବିଧା ନାହିଁ । ଲୋକମାନେ ବଷର୍କୁ ୧-୨ ଶୋ କରନ୍ତି, ମୁଁ ତାହା ମଧ୍ୟ କରିପାରୁ ନାହିଁ, କ’ଣ ଘଟୁଛି ମୁଁ ମଧ୍ୟ ଜାଣେ ନାହିଁ । ସେମାନେ (ନିର୍ମାତା) ଏଭଳି ଏକ ଷ୍ଟାର ପାଖକୁ ଯିବାକୁ ଚାହାଁନ୍ତି କିମ୍ବା ଯିଏ କମ୍ ଚାର୍ଜ ନେବ ।
‘ମୋତେ ମୋର ବିଲ୍ ଦେବାକୁ ପଡିବ …’
ଅହାନା ଆହୁରି କୁହନ୍ତି, ‘ମୁଁ ସିନେମାର ଅନ୍ୟ ପ୍ରକାର ବିଷୟରେ ଚିନ୍ତା କରୁଛି କାରଣ ମୋତେ ମୋର ରୋଷେଇ ଘର ଚଳାଇବାକୁ ପଡିବ । ମୁଁ ଜୀବନରେ ଆଉ କିଛି କରିବାକୁ ଚେଷ୍ଟା କରୁଛି । ସତ କହିବାକୁ ଗଲେ, ମୁଁ ବହୁତ ଦିନ ଧରି ଜଣେ ଭଲ ଅଭିନେତାର ଟ୍ୟାଗ୍ ନେଇ ଆସିଛି, ବର୍ତ୍ତମାନ ମୋର କାମ ସଂପୂର୍ଣ୍ଣ ହୋଇଛି । ଯଦି ତୁମେ ଜଣେ ଭଲ ଅଭିନେତା, ତୁମକୁ କେହି କାମ ଦିଅନ୍ତି ନାହିଁ ଏବଂ ଯଦି ମୁଁ କାମ ନ ପାଏ ତେବେ ଜଣେ ଭଲ ଅଭିନେତାର ଟ୍ୟାଗ୍ ସହିତ ମୋର କୌଣସି ସଂର୍ପକ ନାହିଁ । ମୋତେ ମୋର ବିଲ୍ ଦେବାକୁ ପଡିବ ।
ଅହାନା ନିଜର ପ୍ରଡକ୍ସନ୍ ହାଉସ୍ ଚଳାଉଛନ୍ତି
ଅଭିନେତ୍ରୀ ପ୍ରକାଶ କରିଛନ୍ତି ଯେ ସେ ବର୍ତ୍ତମାନ ନିଜର ପ୍ରଡକ୍ସନ୍ ହାଉସ୍ ଚଳାଉଛନ୍ତି । ସେ କହିଥିଲେ- ‘ମୋର ନିଜସ୍ୱ ପ୍ରଡକ୍ସନ୍ ହାଉସ୍ ଅଛି । ମୁଁ ବର୍ତ୍ତମାନ ସେହି ଜିନିଷଗୁଡ଼ିକ ଉପରେ ଧ୍ୟାନ ଦେବାକୁ ଯାଉଛି କାରଣ ମୁଁ ଅନୁଭବ କରୁଛି ଯେ ଏହା ମୋ ପାଇଁ ଆଗକୁ ବଢୁଛି । ଯଦି ମୋତେ କିଛି ଅଫର ଦିଆଯାଏ, ମୁଁ ତାହା କରିବି, କିନ୍ତୁ ମୁଁ ନିଜ ସର୍ତ୍ତରେ କାମ କରେ । ଏହା ଟିକେ କଷ୍ଟସାଧ୍ୟ ପରିସ୍ଥିତି କାରଣ ବଜାର ବାସ୍ତବରେ ଖରାପ ଅଟେ ।
