ନୂଆଦିଲ୍ଲୀ: ଅଥର୍ମନ୍ତ୍ରୀ ନିର୍ମଳା ସୀତାରମଣ ଆଜି ୨୦୨୪-୨୫ ଆର୍ଥିକ ବର୍ଷ ପାଇଁ କେନ୍ଦ୍ର ବଜେଟ୍ ଉପସ୍ଥାପନ କରୁଛନ୍ତି । ଏଥିରେ ସେ ଅନେକ ବଡ ଘୋଷଣା କରିଛନ୍ତି, ଯେଉଁ କାରଣରୁ ଜିନିଷର ମୂଲ୍ୟ ବୃଦ୍ଧି କିମ୍ବା ହ୍ରାସ ହୋଇପାରେ । ଆସନ୍ତୁ ଜାଣିବା କେଉଁ ଜିନିଷ ମହଙ୍ଗା ହୋଇଛି ଏବଂ କେଉଁଟି ବଜେଟରେ ଶସ୍ତା ହୋଇଛି ।
ବଜେଟ ପରେ ଏହି ଜିନିଷଗୁଡ଼ିକର ମୂଲ୍ୟ ହ୍ରାସ ପାଇବ
ଅଥର୍ମନ୍ତ୍ରୀ ନିର୍ମଳା ସୀତାରମଣ କର୍କଟ ରୋଗୀଙ୍କୁ ସେମାନଙ୍କ ଚିକିତ୍ସାରେ ବହୁତ ଆରାମ ଦେଇଛନ୍ତି । କର୍କଟ ସମ୍ବନ୍ଧୀୟ ରୋଗରେ ବ୍ୟବହୃତ ଚିକିତ୍ସା ଔଷଧ ଏବଂ ଯନ୍ତ୍ରପାତି ଉପରେ କଷ୍ଟମ ଡ୍ୟୁଟି ହ୍ରାସ କରାଯାଇଛି । ଏହାଦ୍ୱାରା କର୍କଟ ଚିକିତ୍ସା ଶସ୍ତା ହେବ ।
ଅଥର୍ମନ୍ତ୍ରୀ ମଧ୍ୟ ମହିଳାମାନଙ୍କୁ ଏକ ବଡ଼ ଉପହାର ଦେଇଛନ୍ତି । ସେ ସୁନା ଓ ରୂପା ଉପରେ କଷ୍ଟମ ଡ୍ୟୁଟିକୁ ୬ ପ୍ରତିଶତକୁ ହ୍ରାସ କରିଛନ୍ତି । ଏହା ସହିତ ସୁନା ଓ ରୂପାରେ ର୍ନିମିତ ଅଳଙ୍କାର ଶସ୍ତା ହେବ । ଅଳଙ୍କାରପ୍ରେମୀଙ୍କ ପାଇଁ ଏହା ଏକ ବଡ଼ ଆରାମ ହେବ, କାରଣ ସୁନା ଓ ରୂପା ମୂଲ୍ୟ କ୍ରମାଗତ ଭାବେ ବୃଦ୍ଧି ପାଉଛି ।
ଏହା ବ୍ୟତୀତ ଅଥର୍ମନ୍ତ୍ରୀ ମୋବାଇଲ୍ ଫୋନ୍, ମୋବାଇଲ୍ ଚାର୍ଜର, ବୈଦ୍ୟୁତିକ ତାର, ଏକ୍ସ-ରେ ମେସିନ୍ ଏବଂ ସୌର ସେଟ୍ ଉପରେ ମଧ୍ୟ ଟିକସ ହ୍ରାସ କରିଛନ୍ତି । ଚମଡ଼ା ସାମଗ୍ରୀ ସହିତ ଲବଷ୍ଟରର ମୂଲ୍ୟ ମଧ୍ୟ ହ୍ରାସ ପାଇବ ।
ଏହି ଜିନିଷଗୁଡିକ ମହଙ୍ଗା କରିବାକୁ ଘୋଷଣା
ଅଥର୍ମନ୍ତ୍ରୀ କିଛି ଟେଲିକମ୍ ଉପକରଣ ଉପରେ ମୌଳିକ କଷ୍ଟମ୍ ଡ୍ୟୁଟି ବୃଦ୍ଧି କରିଛନ୍ତି । ପୂର୍ବରୁ ଏହି ଉତ୍ପାଦଗୁଡ଼ିକ ଉପରେ ୧୦ ପ୍ରତିଶତ ମୌଳିକ କଷ୍ଟମ୍ ଡ୍ୟୁଟି ଥିଲା, କିନ୍ତୁ ବର୍ତ୍ତମାନ ଏହା ୧୫ ପ୍ରତିଶତ ହେବ ।
ପ୍ଲାଷ୍ଟିକ୍ ସାମଗ୍ରୀ ଉପରେ ସରକାର କଷ୍ଟମ୍ ଡ୍ୟୁଟି ମଧ୍ୟ ବୃଦ୍ଧି କରିଛନ୍ତି । ଏହାର ଅର୍ଥ ହେଉଛି ବଜେଟ ପରେ ପ୍ଲାଷ୍ଟିକରେ ର୍ନିମିତ ଜିନିଷର ମୂଲ୍ୟ ମଧ୍ୟ ବଢିପାରେ ।
ସୌର ସେଲ କିମ୍ବା ସୌର ମଡ୍ୟୁଲ୍ ତିଆରିରେ ବ୍ୟବହୃତ ସୌର ଗ୍ଲାସରେ ମଧ୍ୟ ଟିକସ ବୃଦ୍ଧି କରାଯାଇଛି । ଏହାର ଅର୍ଥ ହେଉଛି ଏକ ସୌର ପ୍ରଣାଳୀ ସ୍ଥାପନ କରିବା ବର୍ତ୍ତମାନ ଟିକେ ମହଙ୍ଗା ହୋଇପାରେ ।
