chanakya Niti: ଚାଣକ୍ୟ ନୀତି: ଆଚାର୍ଯ୍ୟ ଚାଣକ୍ୟ କୂଟନୀତି, ଅର୍ଥନୀତି ଏବଂ ନୈତିକତା ବିଷୟରେ ଜଣେ ମହାନ ଜ୍ଞାନୀ ଥିଲେ । ଆଚାର୍ଯ୍ୟ ଚାଣକ୍ୟ ତାଙ୍କ ନୀତି ଆଧାରରେ ଚନ୍ଦ୍ରଗୁପ୍ତ ମୌର୍ଯ୍ୟଙ୍କ ପରି ଜଣେ ସାଧାରଣ ସନ୍ତାନକୁ ମଗାଧର ସମ୍ରାଟ କରିଥିଲେ ଏବଂ ଶକ୍ତିଶାଳୀ ଧନାନନ୍ଦଙ୍କୁ ହଟାଇ ତାଙ୍କ ସିଂହାସନରେ ବସାଇଥିଲେ । ଚାଣକ୍ୟ ନିତିରେ ସମ୍ପର୍କକୁ ନେଇ ବିସ୍ତୃତ ଭାବରେ ବର୍ଣ୍ଣନା କରାଯାଇଛି । ଏହା ବ୍ୟତୀତ ସ୍ୱାମୀ, ସ୍ତ୍ରୀ, ଗୁରୁ, ରାଜା କିମ୍ବା ସମାଜର ଅନ୍ୟ କୌଣସି ବ୍ୟକ୍ତି କିପରି ହେବା ଉଚିତ, ଏହାକୁ ଚାଣକ୍ୟ ନିତୀରେ ମଧ୍ୟ କୁହାଯାଇଛି । ଆସନ୍ତୁ ଏହା ବିଷୟରେ ଜାଣିବା ।
ନାରୀମାନଙ୍କର ସର୍ବଶ୍ରେଷ୍ଠ ଶକ୍ତି
ଚାଣକ୍ୟ ନୀତି ଅନୁଯାୟୀ, କୌଣସି ନାରୀଙ୍କ ସୌନ୍ଦର୍ଯ୍ୟ ଏବଂ ମଧୁର କଥା ହେଉଛି ତାଙ୍କର ସବୁଠାରୁ ବଡ ଶକ୍ତି । ଯେଉଁ ନାରୀଙ୍କର ଏହି ଦୁଇଟି ଗୁଣ ଅଛି ସେମାନଙ୍କ ପ୍ରତି ପୁରୁଷ ଶୀଘ୍ର ଆକର୍ଷିତ ହୁଅନ୍ତି । ସୁନ୍ଦର ଏବଂ ମଧୁର କଥାବାର୍ତ୍ତା କରୁଥିବା ନାରୀମାନେ ଯେକୌଣସି ବ୍ୟକ୍ତିଙ୍କୁ ବଶୀଭୂତ କରିପାରିବେ । ଅବଶ୍ୟ, ଏହି ଦୁଇଟି ଗୁଣ ହେତୁ ସେ ସବୁଆଡେ ସମ୍ମାନ ପାଆନ୍ତି ଏବଂ ତାଙ୍କ ପରିବାରର ମୂଲ୍ୟ ମଧ୍ୟ ବଢିଥାଏ ।
ବ୍ରାହ୍ମଣର ଶକ୍ତି କ’ଣ?
ଆଚାର୍ଯ୍ୟ ଚାଣକ୍ୟ ତାଙ୍କ ଚାଣକ୍ୟ ନିତୀରେ କହିଛନ୍ତି ଯେ, ଜଣେ ବ୍ରାହ୍ମଣଙ୍କର ସର୍ବଶ୍ରେଷ୍ଠ ଶକ୍ତି ହେଉଛି ତାଙ୍କର ଜ୍ଞାନ । ବ୍ରାହ୍ମଣମାନେ ସେମାନଙ୍କର ଜ୍ଞାନ ହେତୁ ସମାଜରେ ସମ୍ମାନ ପାଆନ୍ତି । ଜଣେ ବ୍ରାହ୍ମଣଙ୍କର ଯେତେ ଅଧିକ ଜ୍ଞାନ ଅଛି, ସେ ଅଧିକ ସମ୍ମାନ ପାଇବେ କାରଣ ପ୍ରତିକୂଳ ପରିସ୍ଥିତିରେ ସମସ୍ତେ ଛାଡିଥା’ନ୍ତି, କିନ୍ତୁ ଜ୍ଞାନ ତାଙ୍କୁ କେବେବି ଛାଡି ନଥାଏ, କିନ୍ତୁ ତାଙ୍କୁ ସେହି ପରିସ୍ଥିତିରୁ ବାହାରିବାରେ ସାହାଯ୍ୟ କରିଥାଏ । ଜଣେ ବ୍ରାହ୍ମଣଙ୍କ ପାଇଁ ଜ୍ଞାନ ହେଉଛି ତାଙ୍କର ଜମା ଓ ପୁଞ୍ଜି ।
ଜଣେ ରାଜାଙ୍କର ଏହି ଗୁଣଗୁଡିକ ରହିବା ଆବଶ୍ୟକ
ଚାଣକ୍ୟ ନୀତି ଅନୁଯାୟୀ, ଜଣେ ରାଜାଙ୍କର ସବୁଠାରୁ ବଡ ଶକ୍ତି ହେଉଛି ତାଙ୍କର ବାହୁବଳ । ରାଜାଙ୍କର ପାଖରେ ମନ୍ତ୍ରୀ, ସନ୍ତ୍ରୀ ଓ ସେନାପତି ମଧ୍ୟ ଅଛନ୍ତି, କିନ୍ତୁ ଯଦି ରାଜା ଦୁର୍ବଳ ତେବେ ସେ ଶାସନ କରିବାକୁ ସମର୍ଥ ହେବେ ନାହିଁ । ରାଜ୍ୟକୁ ଶାସନ କରିବାକୁ ହେଲେ ରାଜା ଶକ୍ତିଶାଳୀ ହେବା ଆବଶ୍ୟକ । ଯଦି ରାଜା ଶକ୍ତିଶାଳୀ ତେବେ ତାଙ୍କ ପାଇଁ ଶାସନ କରିବା ସହଜ ହେବ ।
(ପ୍ରତ୍ୟାଖ୍ୟାନ: ଏହି କାହାଣୀ ସାଧାରଣ ଅନୁମାନ ଉପରେ ଆଧାରିତ । ଏହାକୁ କେବଳ ସୂଚନା ଭାବେ ଗ୍ରହଣ କରିବା ଉଚିତ ।)
