Crime New: ଭୁବନେଶ୍ୱର (ରିପୋଟର୍ସ ପେନ୍) : ପୂର୍ବବିବାଦକୁ ନେଇ ମହିଳାଙ୍କୁ ଖଣ୍ଡାରେ ହାଣି ହତ୍ୟା ଉଦ୍ୟମ କରିବା ଅଭିଯୋଗରେ ଖାରବେଳନଗର ଥାନା ପୁଲିସ ଅଭିଯୁକ୍ତକୁ ଗିରଫ କରିଛି । ଗିରଫ ଅଭିଯୁକ୍ତ ଜଣକ କେଦାରପଲ୍ଲୀ ବସ୍ତିର ଗୋପିନାଥ ନାୟକ । ପୁଲିସ ତା ବିରୋଧରେ ଏକ ମାମଲା ରୁଜୁ କରି କୋର୍ଟ ଚାଲାଣ କରିଛି ।
ସୂଚନାଯୋଗ୍ୟ ଯେ,ଅଭିଯୋଗକାରିଣୀ ଓ ଅଭିଯୁକ୍ତ ଗୋପୀ ଉଭୟେ ସନ୍ଧ୍ୟାରୁ ରାତି ପର୍ଯ୍ୟନ୍ତ ମାଷ୍ଟର କ୍ୟାଂଟିନ୍ ଛକରେ ବୁଲା ବୁଲି କରନ୍ତି । ସେମାନଙ୍କ ମଧ୍ୟରେ ପୂର୍ବରୁ ଶତ୍ରୁତା ଲାଗିରହିଥିଲା, ତେଣୁ ସେମାନେ ପରସ୍ପରଙ୍କ ସହିତ ଅନେକ ଝଗଡା କରୁଥିଲେ । ଗତ ତା ୦୪.୧୧.୨୦୨୪ ରିଖ ରାତି ପ୍ରାୟ ୮ଟା ସମୟରେ ଅଭିଯୋଗକାରିଣୀ ଓ ତାଙ୍କର ସାଙ୍ଗମାନେ ମାଷ୍ଟର କ୍ୟାଂଟିନ୍ ଛକ ନିକଟରେ ଥିବା କେଶରୀ ହୋଟେଲ ନିକଟରେ ଠିଆ ହୋଇଥିଲେ ।
ସେହି ସମୟରେ ଅଭିଯୁକ୍ତ ଗୋପୀ ଓ ତାଙ୍କର ଅନ୍ୟ ଦୁଇ ବନ୍ଧୁ ଗୋଟିଏ ସ୍କୁଟିରେ ଘଟଣାସ୍ଥଳକୁ ଆସିଥିଲେ ଏବଂ ଅଭିଯୋଗକାରିଣୀ କିଛି ଜାଣିବା ପୂର୍ବରୁ ଅଭିଯୁକ୍ତ ଜଣକ ତାଙ୍କୁ ଅଶ୍ଳୀଳ ଭାବରେ ଗାଳି ଗୁଲଜ କରି ରାସ୍ତାକୁ ଟାଣି ନେଇ ଚାପୁଡା ମାରିଥିଲେ ଓ ତାଙ୍କ ସହିତ ଦୁର୍ବ୍ୟବହାର ପଦର୍ଶନ କରିଥିଲେ । ଅଭିଯୋଗକାରିଣୀ ନିଜ ଜୀବନ ବଂଚାଇବା ପାଇଁ ଘଟଣାସ୍ଥଳରୁ ଦୌଡି ପଳାଉଥିବା ବେଳେ ଅଭିଯୁକ୍ତ ଜଣକ ତାଙ୍କ ପଛରେ ଗୋଡାଇ ଥିଲେ ଓ ସାଙ୍ଗରେ ଆଣିଥିବା ଖଣ୍ଡାରେ ତାଙ୍କୁ ହତ୍ୟା କରିବାକୁ ଉଦ୍ୟମ କରିଥିଲେ । କୌଶଳ କ୍ରମେ ଅଭିଯୋଗକାରିଣୀ ଅଭିଯୁକ୍ତଙ୍କ କବଳରୁ ଖସି ଯାଇ ନିଜର ଜୀବନ ବଂଚାଇଥିଲେ ।
ପୁଲିସ ତୁରନ୍ତ ଆବଶ୍ୟକୀୟ କାର୍ଯ୍ୟାନୁଷ୍ଠାନ ନେଇ ଅଭିଯୁକ୍ତଙ୍କୁ କାବୁ କରିବାରେ ସକ୍ଷମ ହୋଇଥିଲେ ଓ ତାଙ୍କ ହେପାଜତରୁ ଅପରାଧରେ ବ୍ୟବହୃତ ଖଣ୍ଡାଟିକୁ ଜବତ କରିଥିଲେ । ପ୍ରାଥମିକ ତଦନ୍ତ ରୁ ଅଭିଯୁକ୍ତ ଜଣକ ଅପରାଧରେ ସଂପୃକ୍ତ ଥିବା ପୁଲିସ ଜାଣିବାକୁ ପାଇଥିଲେ । ଅଭିଯୁକ୍ତର ପୂର୍ବରଚିତ ଅପରାଧିକ ଯାଂଚ ବେଳେ ସେ ଜଣେ ପେସାଗତ ଅପରାଧୀ ଓ ତାଙ୍କର ନାମରେ ପୂର୍ବରୁ ବଡଗଡ଼, ଶହୀଦନଗର, କ୍ୟାପିଟାଲ, ଶ୍ରୀଲିଙ୍ଗରାଜ ଓ ଖାରବେଳନଗର ଥାନାରେ ୭ଟି ଅପରାଧିକ ମାମଲା ରହିଛି । ପଚରାଉଚରା ବେଳେ ଅଭିଯୁକ୍ତ ନିଜର ଅପରାଧ ସ୍ୱୀକାର କରିଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁରହିଛି ।
