ସାରା ବିଶ୍ବରେ କାୟା ବିସ୍ତାର କରିଥିବା କୋଭିଡ -୧୯କୁ ନେଇ ଲୋକଙ୍କ ମନରେ ଏପର୍ଯ୍ୟନ୍ତ ଭୟ ଯାଇନି।ଯଦିଓ ଭରତରେ ଏହାକୁ ନେଇ ବର୍ତ୍ତମାନ ଡର ନାହିଁ,ତଥାପି ଏହି ଜୀବାଣୁ ଏବେ ଅନ୍ୟ ଦେଶ ମାନଙ୍କରେ ବିପର୍ଯ୍ୟୟ ଘଟାଉଛି। ଜାପାନରେ କୋଭିଡ କେପି.୩ର ନୂତନ ଭାରିଆଣ୍ଟ ଲୋକଙ୍କ ଜୀବନ ପ୍ରତି ବିପଦ ପାଲଟିଛି। ଗତ କିଛି ସପ୍ତାହ ମଧ୍ୟରେ, ଏହି ସଂକ୍ରମଣ ମାମଲା ଦ୍ରୁତ ଗତିରେ ବୃଦ୍ଧି ପାଇଛି। ଏବଂ ଜାପାନରେ କୋଭିଡର ଏକାଦଶ ତରଙ୍ଗର ବିପଦ ଆସୁଛି ବୋଲି ସ୍ବାସ୍ଥ୍ୟ ବିଶେଷଜ୍ଞ କହିଛନ୍ତି।
ଗତ ମାସରେ, କେବଳ ଜାପାନରେ ନୁହେଁ, ଆମେରିକାରେ ମଧ୍ୟ କରୋନା ଭାରିଆଣ୍ଟ FLiRT ମାମଲାରେ ବୃଦ୍ଧି ଘଟିଥିଲା। ବର୍ତ୍ତମାନ ଦେଶରେ କରୋନା ନିୟନ୍ତ୍ରଣରେ ଥିଲେ ମଧ୍ୟ ଜାପାନ ଏବଂ ଆମେରିକାର କୋଭିଡ ର ନୂଆ ନୁଆ ଭାରିଆଣ୍ଟ ସାମ୍ନାକୁ ଆସିଛି।ଯାହାଦ୍ଵାରା ଚିନ୍ତାରେ ଦେଶବାସୀ। ଦିଲ୍ଲୀ ମେଡିକାଲ ଆସୋସିଏସନର ପୂର୍ବତନ ସଭାପତି ତଥା ବରିଷ୍ଠ ଚିକିତ୍ସକ ଡାକ୍ତର ଅନିଲ ବଂସଲ କହିଛନ୍ତି ଯେ କୋଭିଡର ନୂତନ ପ୍ରକାର ଅଧିକ ସଂକ୍ରାମକ ଏବଂ ଏହା ଅତି ଶୀଘ୍ର ବ୍ୟାପିଥାଏ। ସୂଚନା ଅନୁଯାୟୀ, ଏପର୍ଯ୍ୟନ୍ତ ଜାପାନରେ ଲୋକଙ୍କୁ ସଂକ୍ରମିତ କରୁଥିବା ପ୍ରକାର ହେଉଛି KP.3 ଯାହା ଅତ୍ୟଧିକ ସଂକ୍ରାମକ ଅଟେ। ଏହି କାରଣରୁ, ସେଠାରେ ଥିବା ଅନେକ ଡାକ୍ତରଖାନାରେ ଶଯ୍ୟା ପୂର୍ଣ୍ଣ ହୋଇଗଲା ଏବଂ ଏକ ନୂଆ ତରଙ୍ଗର ଭୟ ବଢିଗଲା ।
ଏହି ନୂଆ ଭାରିଆଣ୍ଟ ସେହି ଲୋକମାନଙ୍କୁ ବେଶୀ ସଂକ୍ରମିତ କରୁଛି ଯେଉଁମାନେ କୋଭିଡ ଟିକା ନେଇଛନ୍ତି। କେ.ପି. ଭାରିଆଣ୍ଟ ୩ ର ଲକ୍ଷଣଗୁଡ଼ିକ ପୂର୍ବ ପ୍ରକାରଗୁଡ଼ିକ ସହିତ ସମାନ।ତେବେ ଲକ୍ଷଣ ଗୁଡ଼ିକ ହେଉଛି ଉଚ୍ଚ ଜ୍ୱର, ଗଳା ଯନ୍ତ୍ରଣା, ମୁଣ୍ଡବିନ୍ଧା, ଅତ୍ୟଧିକ ଥକ୍କା, ଗନ୍ଧ ଏବଂ ସ୍ବାଦ ନହେବା। ତଥାପି, ଏହି ପ୍ରକାର ବିଷୟରେ ବର୍ତ୍ତମାନ ଅଧିକ କିଛି କୁହାଯାଇପାରିବ ନାହିଁ।
