ନୂଆଦିଲ୍ଲୀ: କ୍ରିକେଟ୍ର ଲୋକପ୍ରିୟ ଧୀରେ ଧୀରେ ବୃଦ୍ଧି ପାଉଛି । ଏହି ଖେଳ ବର୍ତ୍ତମାନ ଅନେକ ଦେଶରେ ପହଞ୍ଚିିଛି, ଯେଉଁଠାରେ ପୂର୍ବରୁ ଅନେକ ଲୋକ ଏହା ବିଷୟରେ ଜାଣି ନଥିଲେ । କ୍ରୀଡା ପ୍ରତି ଆଗ୍ରହ ବଢିବା ସହିତ ଲୋକମାନେ ଖେଳର ନିୟମ ବୁଝିବାକୁ ମଧ୍ୟ ବହୁତ ଆଗ୍ରହ ଦେଖାନ୍ତି । ତେଣୁ, ଏଠାରେ ଆମେ ଆପଣଙ୍କୁ କହିବୁ କ୍ରିକେଟ୍ ଖେଳରେ ଜଣେ ବ୍ୟାଟ୍ସମ୍ୟାନ୍ କେତେ ପ୍ରକାର ଆଉଟ ହୋଇପାରିବେ ।
ତେବେ ଆସନ୍ତୁ ଆପଣଙ୍କୁ କହିବା ଯେ କ୍ରିକେଟ୍ ରେ ଜଣେ ବ୍ୟାଟ୍ସମ୍ୟାନ୍ ମୋଟ ୧୧ଟି ଭିନ୍ନ ପ୍ରକାରରେ ଆଉଟ ହୋଇପାରିବେ । କିଛି ପଦ୍ଧତି ଅଛି ଯାହା ବିଷୟରେ ଆପଣ ହୁଏତ ଜାଣି ନଥିବେ କିମ୍ବା କେବେ ଶୁଣି ନଥିବେ । ତେଣୁ ଆସନ୍ତୁ ଜାଣିବା ଆଉଟ ହେବାର ସମସ୍ତ ଉପାୟ କ’ଣ?
୧- ବୋଲ୍ଡ
ଯେତେବେଳେ ବୋଲର ବୋଲିଂ କରୁଥିବା ବେଳେ ତାଙ୍କ ବଲ ସିଧାସଳଖ ଷ୍ଟଂପରେ ବାଜେ, ତାହାକୁ ବୋଲ୍ଡ ଆଉଟ କୁହାଯାଏ । ହେଲେ ଏହି ବଲ ‘ନୋ’ ବଲ ହୋଇନଥିବ । ଏହି ଆଉଟକୁ ପ୍ରାୟ ସମସ୍ତେ ଜାଣିଥିବେ ।
୨- ଲେଗ୍ ବିଫୋର ୱିକେଟ(ଏଲବିଡବ୍ଲ୍ୟୁ)
ଲେଗ୍ ବିଫୋର ୱିକେଟ ବା ଏଲବିଡବ୍ଲ୍ୟୁ ଆଉଟ ହେବାର ଦ୍ୱିତୀୟ ନିୟମ । ଏହାକୁ ଅନ୍ୟ ଶବ୍ଦରେ ବୋଲ୍ଡ ମଧ୍ୟ କୁହାଯାଇପାରେ । ଯଦି ଜଣେ ବ୍ୟାଟ୍ସମ୍ୟାନ୍ ଷ୍ଟଂପ୍ ସମ୍ମୁଖରେ ଛିଡ଼ା ହୁଅନ୍ତି ଏବଂ ବଲ୍ ବ୍ୟାଟ୍ରେ ଟଚ୍ ନକରି ତାଙ୍କ ଗୋଡରେ ବାଜେ, ତେବେ ତାଙ୍କୁ ଏଲବିଡବ୍ଲ୍ୟୁ ଦିଆଯାଏ । ଏଥିରେ ଅବସ୍ଥା ନିୟମ ହେଉଛି ଯେ, ଯଦି କୌଣସି ବ୍ୟାଟ୍ସମ୍ୟାନ୍ଙ୍କ ଗୋଡ ନଥାନ୍ତା ତେବେ ବଲ୍ ଷ୍ଟଂପ୍ରେ ବାଜି ଥାନ୍ତା । ଏବଂ ବଲଟି ଷ୍ଟଂପ ବାହାରେ ବିଶେଷ କରି ଲେଗସାଇଟରେ ପିଚ୍ନ ଖାଇନଥିବା ଆବଶ୍ୟକ ।
୩- ରନ୍ ଆଉଟ୍
ଯେତେବେଳେ ବ୍ୟାଟ୍ସମ୍ୟାନ ୨୨ଗଜ ପିଚ୍ରେ ରନ୍ ସ୍କୋର କରିବାକୁ ଦୌଡ଼ନ୍ତି, ରନ୍ ଶେଷ କରିବାକୁ ସେମାନଙ୍କୁ କ୍ରିଜ୍ ଭିତରେ ପହଂଚିବାକୁ ପଡିବ । ଯଦି ବ୍ୟାଟ୍ସମ୍ୟାନ୍ କ୍ରିଜ୍ ଭିତରେ ପହଞ୍ଚିିବାକୁ ଅସମର୍ଥ ଏବଂ ଫିଲ୍ଡର ବଲକୁ ଷ୍ଟଂପ ଉପରେ ଫିଙ୍ଗିଦିଏ, ତେବେ ସେ ଆଉଟ୍ ହୋଇଯାଆନ୍ତି ।
୪- ଷ୍ଟଂପିଂ
ବ୍ୟାଟ୍ସମ୍ୟାନ୍ଙ୍କୁ ପିଚ୍ କ୍ରିଜ୍ ଭିତରେ ବ୍ୟାଟିଂ କରିବାକୁ ପଡିବ । ଯଦି ବ୍ୟାଟ୍ସମ୍ୟାନ୍ ଏକ ସଟ୍ ଖେଳିବା ସମୟରେ କ୍ରିଜରୁ ବାହାରକୁ ଯାଆନ୍ତି ଏବଂ ବଲ୍ ତାଙ୍କୁ ମିସ୍ କରି ୱିକେଟ୍ କିପରଙ୍କ ନିକଟକୁ ଯାଏ ଏବଂ ୱିକେଟ ରକ୍ଷକ ବଲକୁ ଷ୍ଟଂପରେ ମାରନ୍ତି, ତେବେ ବ୍ୟାଟ୍ସମ୍ୟାନ୍ ଷ୍ଟଂପ୍ ଆଉଟ ହୋଇଯାଆନ୍ତି ।
୫- କ୍ୟାଚ୍ ଆଉଟ୍
ଯେତେବେଳେ ବଲ୍ ବ୍ୟାଟ୍ସମ୍ୟାନ୍ଙ୍କ ବ୍ୟାଟ୍ କିମ୍ବା ହାତର ରିଷ୍ଟ ପର୍ଯ୍ୟନ୍ତ ଯେକୌଣସି ଅଂଶରେ ବାଜେ ଓ ଫିଲ୍ଡିଂ ଟିମର ଖେଳାଳି ଏହାକୁ କ୍ୟାଚ୍ ନେଇଥା’ନ୍ତି, ସେତେବେଳେ ଏହାକୁ କ୍ୟାଚ ଆଉଟ ବୋଲି କୁହାଯାଏ ।
୬- ହିଟ୍ ୱିକେଟ
ଯେତେବେଳେ ବ୍ୟାଟ୍ସମ୍ୟାନ୍ ନିଜେ ବ୍ୟାଟ୍ କିମ୍ବା ଶରୀର ସହିତ ୱିକେଟ୍କୁ ଟଚ୍ କରନ୍ତି, ସେତେବେଳେ ଏହାକୁ ହିଟ୍ ୱିକେଟ୍ କୁହାଯାଏ ।
୭- ବଲକୁ ଦୁଇଥର ମାରିବା
ନିୟମ ଅନୁସାରେ, ଏକ ସଟ୍ ଖେଳିବାବେଳେ ବ୍ୟାଟ୍ସମ୍ୟାନ୍ ବଲକୁ କେବଳ ଥରେ ମାରି ପାରିବେ । ଯଦି ଜଣେ ବ୍ୟାଟ୍ସମ୍ୟାନ୍ ବଲକୁ ଦୁଇଥର ମାରନ୍ତି, ତେବେ ତାଙ୍କୁ ଆଉଟ ଘୋଷିତ କରାଯିବ ।
୮- ଫିଲ୍ଡରେ ବାଧା ସୃଷ୍ଟି କରିବା
ଯଦି ଜଣେ ବ୍ୟାଟ୍ସମ୍ୟାନ୍ ଚତୁରତାର ସହ ଫିଲ୍ଡରଙ୍କ ପାଇଁ ବାଧା ସୃଷ୍ଟି କରନ୍ତି, ଯେପରିକି ରନ୍ ଆଉଟ୍ ସମୟରେ ଫିଲଡର ଫିଙ୍ଗିଥିବା ବଲ୍କୁ ଅଟକାଇବା କିମ୍ବା ଅନ୍ୟ କିଛି, ଏହି ପରିସ୍ଥିତିରେ ଅମ୍ପୟାର ବ୍ୟାଟ୍ସମ୍ୟାନ୍ଙ୍କୁ ଆଉଟ୍ କରିପାରିବେ ।
୯- ମାନକେଡିଂ ଆଉଟ୍
ମାନକେଡିଂ ସବର୍ଦା ବିବାଦୀୟ ଆଉଟରେ ଅନ୍ତର୍ଭୁକ୍ତ କରାଯାଇଛି । ଯେତେବେଳେ ନନ୍-ଷ୍ଟ୍ରାଇକ୍ ଏଣ୍ଡରେ ଉପସ୍ଥିତ ବ୍ୟାଟ୍ସମ୍ୟାନ୍ ବଲ୍ ବୋଲିଂ ହେବା ପୂର୍ବରୁ କ୍ରିଜ୍ ଛାଡି ଚାଲିଯାଆନ୍ତି, ସେତେବେଳେ ବୋଲର ତାଙ୍କୁ ଆଉଟ୍ କରିଦିଅନ୍ତି, ଯାହାକୁ ମାନକେଡିଂ ଆଉଟ୍ କୁହାଯାଏ । ନନ-ଷ୍ଟ୍ରାଇକ୍ ଏଣ୍ଡରେ ଥିବା ବ୍ୟାଟ୍ସମ୍ୟାନ୍ଙ୍କ ଷ୍ଟଂପିଂ ଭାବରେ ଆପଣ ଏହା ମଧ୍ୟ ବୁଝିପାରିବେ ।
୧୦- ଟାଇମ ଆଉଟ
ଜଣେ ବ୍ୟାଟ୍ସମ୍ୟାନ୍ ଆଉଟ୍ ହେବା ପରେ ଅନ୍ୟ ବ୍ୟାଟ୍ସମ୍ୟାନ୍ଙ୍କ କ୍ରିଜରେ ପହଂଚିବା ପାଇଁ ଏକ ର୍ନିର୍ଦ୍ଦିଷ୍ଟ ସମୟ ଅଛି । ଦିନିକିଆ ଏବଂ ଟେଷ୍ଟ ମ୍ୟାଚରେ ଏଥର ୩ ମିନିଟ୍ ସମୟ ରହିଛି । ଆଇସିସିର ଖେଳ ଅବସ୍ଥା ଅନୁଯାୟୀ ଏହି ସମୟ ବଦଳିପାରେ । ୨୦୨୩ ଦିନିକିଆ ବିଶ୍ୱକପ ସମୟରେ ବାଂଲାଦେଶ ଦଳ ଶ୍ରୀଲଙ୍କାର ଆଞ୍ଜେଲୋ ମାଥ୍ୟୁସଙ୍କୁ ଟାଇମ ଆଉଟ ପାଇଁ ଆବେଦନ କରିଥିଲା ଏବଂ ତାଙ୍କୁ ଆଉଟ ଘୋଷିତ କରାଯାଇଥିଲା ।
୧୧- ବ୍ୟାଟ୍ସମ୍ୟାନ୍ ବଲ୍ ଧରିବା
ବ୍ୟାଟ୍ସମ୍ୟାନ୍ଙ୍କୁ ବଲ୍ ଖେଳିବା କିମ୍ବା ରୋକିବା ପାଇଁ ତାଙ୍କୁ ବ୍ୟାଟ୍ ବ୍ୟବହାର କରିବାକୁ ପଡିଥାଏ । ତେବେ ଶରୀରକୁ ଆଗକୁ ଆଣି ବଲକୁ ମଧ୍ୟ ରୋକି ହେବ । କିନ୍ତୁ, ବ୍ୟାଟ୍ସମ୍ୟାନ୍ ନିଜ ହାତରେ ବଲକୁ ଅଟକାଇ ପାରିବେ ନାହିଁ, ଯଦି ସେ ଏହା କରନ୍ତି ତେବେ ଅଂପାୟାର ତାଙ୍କୁ ଆଉଟ ଘୋଷଣା କରିପାରିବେ ।
