ନୂଆଦିଲ୍ଲୀ : ଦ୍ୱିତୀୟ ଟି-୨୦ରେ ଭାରତ ଶ୍ରୀଲଙ୍କାକୁ ପରାସ୍ତ କରିଛି । ସୂର୍ଯ୍ୟକୁମାର ଯାଦବଙ୍କ ନେତୃତ୍ୱରେ ଟିମ୍ ଇଣ୍ଡିଆ ୭ ୱିିକେଟ୍ ଜିତିଛି । ଡକୱର୍ଥ-ଲୁଇସ୍ ନିୟମ ଅଧୀନରେ ଭାରତ ୮ ଓଭରରେ ୭୮ ରନ୍ର ଲକ୍ଷ୍ୟ ରଖାଯାଇଥିଲା । ୬.୩ ଓଭରରେ ୩ ୱିକେଟ୍ ହରାଇ ଭାରତୀୟ ଦଳ ଲକ୍ଷ୍ୟ ହାସଲ କରିନେଇଛି । ଏହି ମ୍ୟାଚ ଜିତିବା ପରେ ଟିମ୍ ଇଣ୍ଡିଆ ସିରିଜ୍ ହାତେଇ ନେଇଛି ।
ଭାରତ ପାଇଁ ଅଧିନାୟକ ସୂର୍ଯ୍ୟକୁମାର ଯାଦବ ୧୨ ବଲରେ ୨୬ ରନର ଚମତ୍କାର ଇନିଂସ ଖେଳିଥିଲେ । ସେ ତାଙ୍କ ଇନିଂସରେ ୪ ଚୌକା ଓ ଗୋଟିଏ ଛକା ମାରିଥିଲେ । ଏଥି ସହିତ ଟିମ୍ ଇଣ୍ଡିଆର ଓପନ ର୍ଯଶସ୍ୱୀ ଜୈସ୍ୱାଲ ୧୫ ବଲରେ ୩୦ ରନ୍ ସଂଗ୍ରହ କରିଥିଲେ । ଶ୍ରୀଲଙ୍କା ପାଇଁ ମହିଷା ପାଥିରାନା, ହାସରାଙ୍ଗା ଏବଂ ମାଥିଶା ଟିକସିନା ଗୋଟିଏ ଲେଖାଏଁ ୱିକେଟ୍ ନେଇଥିଲେ ।
ଏହାପୂର୍ବରୁ ଭାରତୀୟ ଦଳର ଅଧିନାୟକ ସୂର୍ଯ୍ୟକୁମାର ଯାଦବ ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲେ । ପ୍ରଥମେ ବ୍ୟାଟିଂ କରିବାକୁ ଆସିଥିବା ଶ୍ରୀଲଙ୍କା ୨୦ ଓଭରରେ ୯ ୱିକେଟ୍ ହରାଇ୧୬୧ ରନ୍ ସଂଗ୍ରହ କରିଥିଲା । ଏହିପରି, ଟିମ୍ ଇଣ୍ଡିଆର ୧୬୨ ରନ୍ ଲକ୍ଷ୍ୟ ଥିଲା, କିନ୍ତୁ ବର୍ଷା ହେତୁ ଟାର୍ଗେଟକୁ ସଂଶୋଧନ କରାଯାଇଥିଲା । ଏହା ପରେ ଭାରତୀୟ ଦଳ ଜିତିବା ପାଇଁ ୮ ଓଭରରେ ୭୮ ରନ୍ ଲକ୍ଷ୍ୟ ରଖାଯାଇଥିଲା ।
ବର୍ଷା ପରେ ଖେଳ ଆରମ୍ଭ ହେବା ପରେ ଭାରତ ୮ ଓଭରରେ ୭୮ ରନ୍ର ସଂଶୋଧିତ ଲକ୍ଷ୍ୟ ପାଇଲା । ଯଶସ୍ୱୀ ଜୈସ୍ୱାଲ ଏବଂ ସୂର୍ଯ୍ୟକୁମାର ଯାଦବ ସହଜରେ ରନ୍ ସ୍କୋର କରିଥିଲେ । ଭାରତୀୟ ଦଳ ପାଇଁ ଦ୍ୱିତୀୟ ଝଟକା ୫୧ ରନ ସ୍କୋରରେ ଥିଲା, ଯେତେବେଳେ ସୁର୍ଯ୍ୟକୁମାର ଯାଦବ ମଶିତା ପାଥିରାନାଙ୍କ ବଲରେ ପ୍ୟାଭିଲିୟନକୁ ଫେରିଥିଲେ, କିନ୍ତୁ ସେତେବେଳକୁ ଟିମ୍ ଇଣ୍ଡିଆର ବିଜୟ ପ୍ରାୟ ନିଶ୍ଚିତ ହୋଇଯାଇଥିଲା ।
ଏହା ପରେ ଭାରତୀୟ ଦଳ ଯଶସ୍ୱୀ ଜୈସ୍ୱାଲଙ୍କ ରୂପରେ ତୃତୀୟ ଝଟକା ପାଇଥିଲେ । ୧୫ ବଲରେ ୩୦ ରନ ସ୍କୋର କରିବା ପରେ ଯଶସ୍ୱୀ ୱାନେଣ୍ଡୁ ହାସାରଙ୍ଗାଙ୍କ ବୋଲିଂରେ ଆଉଟ୍ ହୋଇଥିଲେ । ଯେତେବେଳେ ଯଶାସୀ ଜୈସ୍ୱାଲ ଆଉଟ୍ ହୋଇଥିଲେ, ଭାରତୀୟ ଦଳର ସ୍କୋର ୬୫ ରନ୍ ଥିଲା, ସୂର୍ଯ୍ୟକୁମାର ଯାଦବଙ୍କ ନେତୃତ୍ୱରେ ଦଳ ଜିତିବା ପାଇଁ ମାତ୍ର ୧୩ ରନ୍ ଆବଶ୍ୟକ କରିଥିଲା । ତା’ପରେ ହାର୍ଦ୍ଦିକ ପାଣ୍ଡ୍ୟା ୯ ବଲରେ ୨୨ ରନ୍ ସ୍କୋର କରି ଖେଳ ଶେଷ କରିଥିଲେ ।
