IPL 2025: ଗୁଜୁରାଟ ଟାଇଟାନ୍ସର ଅଧିନାୟକ ଶୁଭମନ ଗିଲ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ୩୮ ରନର ଇନିଂସ ଖେଳି ଏକ ବଡ଼ ରେକର୍ଡ ସୃଷ୍ଟି କରିଛନ୍ତି। ସେ IPLରେ ଏହି ଗ୍ରାଉଣ୍ଡରେ ୧୦୦୦ ରନ ପୂରଣ କରିଛନ୍ତି, ଟୁର୍ଣ୍ଣାମେଣ୍ଟ ଇତିହାସରେ ଦ୍ୱିତୀୟ ଦ୍ରୁତତମ ଖେଳାଳି ଏବଂ ପ୍ରଥମ ଭାରତୀୟ ଖେଳାଳି ଯିଏକି ଏହି ଗ୍ରାଉଣ୍ଡରେ ୧୦୦୦ ରନ ସ୍କୋର କରିଛନ୍ତି।
ଟସ୍ ହାରିବା ପରେ, ଗୁଜରାଟ ଟାଇଟାନ୍ସ ପ୍ରଥମେ ବ୍ୟାଟିଂ କରିଥିଲା। ଇନିଂସ ଆରମ୍ଭ କରିଥିଲେ ଅଧିନାୟକ ଶୁଭମନ ଗିଲ ଏବଂ ସାଇ ସୁଦର୍ଶନ, ଉଭୟ ପ୍ରଥମ ୱିକେଟ ପାଇଁ ୭୮ ରନର ଭାଗୀଦାରି କରିଥିଲେ। ଗିଲ୍ ୩୮ ରନ କରିବା ପରେ ୯ମ ଓଭରର ତୃତୀୟ ବଲ୍ ରେ ଆଉଟ୍ ହୋଇଥିଲେ। ୨୭ ବଲ୍ ର ଏହି ଇନିଂସରେ ସେ ୧ ଛକା ଏବଂ ୪ ଚୌକା ମାରିଥିଲେ।
ଗିଲ୍ ଗୋଟିଏ ଗ୍ରାଉଣ୍ଡରେ ୧୦୦୦ ରନ୍ କରିବାରେ ଦ୍ୱିତୀୟ ଦ୍ରୁତତମ ବ୍ୟାଟସମ୍ୟାନ୍ ହୋଇଥିଲେ।
ଶୁଭମନ ଗିଲ ନରେନ୍ଦ୍ର ମୋଦି ଷ୍ଟାଡିୟମରେ ୨୦ ଇନିଂସରେ ୧୦୦୦ ରନ ପୂରଣ କରିଛନ୍ତି। IPLରେ ଏକ ଗ୍ରାଉଣ୍ଡରେ ଦ୍ରୁତତମ ୧୦୦୦ ରନ ସ୍କୋର କରିଥିବା ପ୍ରଥମ ଖେଳାଳି ହେଉଛନ୍ତି କ୍ରିସ୍ ଗେଲ୍, ଯିଏ ବାଙ୍ଗାଲୋରରେ ୧୯ ଇନିଂସରେ ଏହି ସଂଖ୍ୟା ଛୁଇଁଥିଲେ।
