ଭାରତ-ଶ୍ରୀଲଙ୍କା ସିରିଜ୍: ଭାରତ ଏବଂ ଶ୍ରୀଲଙ୍କା ମଧ୍ୟରେ ଦିନିକିଆ ଓ ଟି-୨୦ ସିରିଜ୍ ଖେଳାଯିବ । ଏଥିପାଇଁ କ୍ରିକେଟ୍ ବୋର୍ଡ ଅଫ୍ ଇଣ୍ଡିଆ ଖୁବଶୀଘ୍ର ଟିମ୍ ଇଣ୍ଡିଆ ଘୋଷଣା କରିବ । ଭାରତର ଦିନିକିଆ ଓ ଟି-୨୦ ଦଳରେ ବଡ ପରିବର୍ତ୍ତନ ଦେଖିବାକୁ ମିଳିବ । ବିରାଟ କୋହଲି, ରୋହିତ ଶର୍ମା ଏବଂ ରବିନ୍ଦ୍ର ଜାଡେଜା ଟି -୨୦ ଦଳର ଅଂଶ ହେବେ ନାହିଁ । କିନ୍ତୁ ରୋହିତ ଏବଂ ବିରାଟଙ୍କୁ ଏକଦିବସୀୟ ଦଳରେ ଦେଖିବାକୁ ମିଳିପାରେ । ଏହା ସହିତ ରିୟାନ୍ ପରାଗ ଏବଂ ଋଷଭ ପନ୍ତ ଉଭୟ ଫର୍ମାଟ୍ ପାଇଁ ସୁଯୋଗ ପାଇପାରନ୍ତି । ଟିମ୍ ଇଣ୍ଡିଆରେ ତିନୋଟି ଗୁରୁତ୍ୱପୂର୍ଣ୍ଣ ପରିବର୍ତ୍ତନ ଦେଖିବାକୁ ମିଳିବ ।
ରୋହିତ, ବିରାଟ ଏବଂ ଜାଡେଜା ଟି-୨୦ ଇଂଟରନ୍ୟାସନାଲରୁ ଅବସର ଘୋଷଣା କରିଛନ୍ତି । ତେଣୁ ବର୍ତ୍ତମାନ ଏହି ତିନି ଖେଳାଳିଙ୍କୁ ଟି-୨୦ ଦଳରେ ଦେଖିବାକୁ ମିଳିବ ନାହିଁ । କିନ୍ତୁ ରୋହିତ ଏବଂ ବିରାଟ ଦିନିକିଆ ସିରିଜ୍ ଖେଳିପାରିବେ । ଉଭୟେ ବର୍ତ୍ତମାନଠାରୁ ଚାଂପିଅନ୍ସ ଟ୍ରଫି ପାଇଁ ପ୍ରସ୍ତୁତି ଆରମ୍ଭ କରିବେ । ରୋହିତ ଦିନିକିଆର ଅଧିନାୟକତ୍ୱ ପାଇବେ । କିନ୍ତୁ ଟି -୨୦ ଅଧିନାୟକତ୍ୱରେ ଏକ ଗୁରୁତ୍ୱପୂର୍ଣ୍ଣ ପରିବର୍ତ୍ତ ହେବ । ବିସିସିଆଇ ଟି -୨୦ ଅଧିନାୟକତ୍ୱର ଦାୟିତ୍ୱ ସୂର୍ଯ୍ୟକୁମାର ଯାଦବଙ୍କୁ ହସ୍ତାନ୍ତର କରିପାରେ ।
ରିଆନ୍-ପନ୍ତ ସିରିଜରେ ଖେଳିିବେ
ସୁ୍ସ୍ଥ ହେବା ପରେ ଋଷଭ ପନ୍ତ ଏକ ଦୃଢ ପ୍ରତ୍ୟାବର୍ତ୍ତନ କରିଛନ୍ତି । ସେ ମଧ୍ୟ ଟି -୨୦ ବିଶ୍ୱକପ ୨୦୨୪ ରେ ଭାରତ ପାଇଁ ଖେଳିଥିଲେ । ଏବେ ସେ ଶ୍ରୀଲଙ୍କା ବିପକ୍ଷ ଦିନିକିଆ ସିରିଜରେ ଖେଳିପାରିବେ । ଚାଂପିଅନ୍ସ ଟ୍ରଫିକୁ ଦୃଷ୍ଟିରେ ରଖି ଟିମ୍ ଇଣ୍ଡିଆ ମଧ୍ୟ ପନ୍ତକୁ ପ୍ରସ୍ତୁତ କରିବ । ରିୟାନ୍ ପରାଗଙ୍କ ବିଷୟରେ କହିବାକୁ ଗଲେ ସେ ଭାରତ ପାଇଁ ଡେବ୍ୟୁ କରିଛନ୍ତି । କିନ୍ତୁ ଏପର୍ଯ୍ୟନ୍ତ ଦିନିକିଆରେ ଖେଳିବାର ସୁଯୋଗ ପାଇନାହାଁନ୍ତି । ତେବେ ବର୍ତ୍ତମାନ ସେ ଶ୍ରୀଲଙ୍କା ବିପକ୍ଷରେ ଦଳର ଏକ ଅଂଶ ହୋଇପାରିବେ ।
ଜସପ୍ରୀତ ବୁମ୍ରାଙ୍କୁ ଏକ ବିଶ୍ରାମ ଦିଆଯାଇପାରେ –
ଟିମ୍ ଇଣ୍ଡିଆର ମାରାତ୍ମକ ବୋଲରମାନଙ୍କ ମଧ୍ୟରୁ ବୁମରା ଅନ୍ୟତମ । ସେ ଦୀର୍ଘ ସମୟ ଧରି ଟିମ ପାଇଁ ଖେଳୁଛନ୍ତି । ତେଣୁ ବିସିସିଆଇ ତାଙ୍କୁ ବିଶ୍ରାମ ଦେଇପାରେ । ଚାଂପିଅନ୍ସ ଟ୍ରଫି ୨୦୨୫ ରେ ଟିମ୍ ଇଣ୍ଡିଆ ପାଇଁ ବୁମରା ଗୁରୁତ୍ୱପୂର୍ଣ୍ଣ ପ୍ରମାଣିତ ହେବ । ଏହି କାରଣରୁ ସେ ଏହି ସିରିଜରୁ ବିରତି ନେଇପାରନ୍ତି ।
