Political News: ନୂଆଦିଲ୍ଲୀ: ଭାରତୀୟ ଜନତା ପାର୍ଟି (ବିଜେପି)ର ଅଧ୍ୟକ୍ଷ ପଦ ନିର୍ବାଚନ ପାଇଁ ଏକ କମିଟି ଗଠନ କରାଯାଇଛି । ମଙ୍ଗଳବାର (ଅକ୍ଟୋବର ୧୫, ୨୦୨୪) ରେ ଗଠିତ ଏହି କମିଟିରେ ଡକ୍ଟର କେ ଲକ୍ଷ୍ମଣ (ବିଜେପି ଓବିସି ମୋର୍ଚ୍ଚା ରାଷ୍ଟ୍ରୀୟ ସଭାପତି ତଥା ଦଳର ସାଂସଦ) ଜାତୀୟ ନିର୍ବାଚନ ଅଧିକାରୀ ଭାବରେ ନିଯୁକ୍ତ ହୋଇଥିବା ବେଳେ ନରେଶ ବନସଲ, ରେଖା ବର୍ମା ଏବଂ ସମ୍ବିତ ପାତ୍ରଙ୍କୁ ସହ-ନିର୍ବାଚନ ଅଧିକାରୀ ଭାବେ ନିଯୁକ୍ତ କରାଯାଇଛି । ଏହି କମିଟି ସଂଗଠନର ନିର୍ବାଚନ କରିବ । ପରବର୍ତ୍ତୀ ସମୟରେ ଦଳର ଜାତୀୟ ସଭାପତି ଚୟନ କରାଯିବ ଏବଂ ଏହି ପ୍ରକ୍ରିୟା ଶେଷ କରିବାକୁ ପ୍ରାୟ ଦୁଇ ମାସ ସମୟ ଲାଗିବ । ଏହି କମିଟି ପ୍ରଥମେ ରାଜ୍ୟରେ ସଂଗଠନ ନିର୍ବାଚନ କରିବ । ଉଦାହରଣ ସ୍ୱରୂପ, ପ୍ରଥମେ ମଣ୍ଡଳ, ଜିଲ୍ଲା ଏବଂ ପରେ ରାଜ୍ୟ ସଭାପତିଙ୍କ ପାଇଁ ନିର୍ବାଚନ ହେବ ।
ସାଂଗଠନିକ ନିର୍ବାଚନ ପାଇଁ କେନ୍ଦ୍ରୀୟ ନିର୍ବାଚନ ଅଧିକାରୀମାନେ ଅକ୍ଟୋବର ୧୫, ୨୦୨୪ ରେ ନିଯୁକ୍ତ ହୋଇଥିଲେ । ବର୍ତ୍ତମାନ ଏହା ସହିତ ଜାତୀୟ ଅଧ୍ୟକ୍ଷ ନିର୍ବାଚନ ପ୍ରକ୍ରିୟା ଆରମ୍ଭ ହେବ । ବୁଥ, ବିଭାଗ, ଜିଲ୍ଲା ଏବଂ ରାଜ୍ୟ ସ୍ତରରେ ଅଧ୍ୟକ୍ଷ ନିର୍ବାଚନ ତାରିଖ ଯଥାକ୍ରମେ ଘୋଷଣା କରାଯିବ । ତା’ପରେ ଜିଲ୍ଲା ସଭାପତି ଏବଂ ରାଜ୍ୟ ପରିଷଦ ପାଇଁ ନିର୍ବାଚନ ହେବ । ରାଜ୍ୟ ପରିଷଦ ପରେ ରାଜ୍ୟ ସଭାପତି ଏବଂ ଜାତୀୟ ପରିଷଦର ସଦସ୍ୟମାନଙ୍କ ପାଇଁ ନିର୍ବାଚନ ହେବ । ରାଜ୍ୟ ପରିଷଦର ସଦସ୍ୟମାନେ ରାଜ୍ୟର ଅଧ୍ୟକ୍ଷ ଚୟନ କରିବେ । ପରେ ଜାତୀୟ ପରିଷଦର ଲୋକମାନେ ଜାତୀୟ ସଭାପତି ଚୟନ କରିବେ ।
ବର୍ତ୍ତମାନ ଜେପି ନାଡା ବିଜେପିର ଜାତୀୟ ସଭାପତି ଅଛନ୍ତି । ଅବଶ୍ୟ, ତାଙ୍କର କାର୍ଯ୍ୟକାଳ ଶେଷ ହୋଇଥିଲା, ଯାହା ପରେ ଜୁନ୍ ୨୦୨୪ ପର୍ଯ୍ୟନ୍ତ ବୃଦ୍ଧି କରାଯାଇଥିଲା । ଜେପି ନଡାଙ୍କ କାର୍ଯ୍ୟକାଳ ଶେଷ ହୋଇଛି କିନ୍ତୁ ବିଜେପି ସଂସଦୀୟ ବୋର୍ଡ ତାଙ୍କୁ ପରବର୍ତ୍ତୀ ସଭାପତି ନିଯୁକ୍ତି ପର୍ଯ୍ୟନ୍ତ ଏହି ପଦବୀରେ ଜାରି ରଖିବାକୁ ଏକ ସଂପ୍ରସାରଣ ଦେଇଛନ୍ତି ।
ଉଲ୍ଲେଖଥାଉ କି, ବିଜେପି ନୂଆ ମୁଖିଆ ଖୋଜୁଛି । ରାଜନୈତିକ ସକର୍ଲରେ ଚର୍ଚ୍ଚା ହେଉଛି ଯେ ଚଳିତ ବର୍ଷ ଡିସେମ୍ବର ସୁଦ୍ଧା ବିଜେପି ଏହାର ପରବର୍ତ୍ତୀ ଅଧ୍ୟକ୍ଷ ପାଇପାରେ । ଯଦି ବିଜେପି ସୂତ୍ରକୁ ବିଶ୍ୱାସ କରାଯାଏ ତେବେ ଦଳର ରାଜ୍ୟ ୟୁନିଟର ସଭାପତିଙ୍କ ପାଇଁ ନିର୍ବାଚନ ଡିସେମ୍ବର ୨ ତାରିଖରୁ ଆରମ୍ଭ ହେବ । ଏହିପରି ୫୦% ନିର୍ବାଚନ ପରେ ଜାତୀୟ ଅଧ୍ୟକ୍ଷ ନିର୍ବାଚନର ସରକାରୀ ପ୍ରକ୍ରିୟା ଆରମ୍ଭ ହେବ । ତେବେ ଏହି ଦୌଡରେ ଓଡ଼ିଶାର ସମ୍ବଲପୁର ଏମପି ଧର୍ମେନ୍ଦ୍ର ପ୍ରଧାନଙ୍କ ନାଁ ଚର୍ଚ୍ଚାରେ ରହିଛି ।
ବର୍ତ୍ତମାନ ପର୍ଯ୍ୟନ୍ତ ବିଜେପି ମୁଖ୍ୟ କିଏ ଅଛନ୍ତି?
୨୦୨୦ରୁ ବର୍ତ୍ତମାନ ପର୍ଯ୍ୟନ୍ତ ଜେପି ନଡ୍ଡା ।
୨୦୧୪-୨୦୧୭ ଏବଂ ୨୦୧୭-୨୦୨୦ ଅମିତ ଶାହା ।
୨୦୦୫-୨୦୦୯ ଏବଂ ୨୦୧୩-୨୦୧୪ ରାଜନାଥ ସିଂ ।
୨୦୧୦-୨୦୧୩ ନିତିନ ଗଡକରୀ ।
୨୦୦୨-୨୦୦୪ ଏମ. ଭେଙ୍କିଆ ନାଇଡୁ ।
୨୦୦୧-୨୦୦୨ କେ. ଜନ କୃଷ୍ଣମୂର୍ତ୍ତ ।
୨୦୦୦-୨୦୦୧ ବଙ୍ଗାରୁ ଲକ୍ଷ୍ମଣ ।
୧୯୯୮-୨୦୦୦ କୁଶବାହା ଠାକରେ ।
୧୯୯୧-୧୯୯୩ ମୁରଲୀ ମନୋହର ଯୋଶୀ ।
୧୯୮୬-୨୦୦୫ ଲାଲ କୃଷ୍ଣ ଆଡଭାନୀ ।
୧୯୮୦-୧୯୮୬ ଅଟଳ ବିହାରୀ ବାଜପେୟୀ ।
