ନିର୍ବାଚିତ ହେବାର ମାସକ ମଧ୍ୟରେ ହଟିବ ଅଳିଆ ଗଦା : ପ୍ରିୟଦର୍ଶୀ ମିଶ୍ର

0 120

ଭୁବନେଶ୍ୱର, (ରିପୋଟର୍ସ ପେନ୍‌): ଭାରତୀୟ ଜନତା ପାର୍ଟିର ଉତ୍ତର ଭୁବନେଶ୍ୱର ବିଧାୟକ ପ୍ରାର୍ଥୀ ପ୍ରିୟଦର୍ଶୀ ମିଶ୍ର ଓ ଭୁବନେଶ୍ୱର ଲୋକସଭା ନିର୍ବାଚନ ମଣ୍ଡଳୀର ସାଂସଦ ପ୍ରାର୍ଥୀ ଅପରାଜିତା ଷଡ଼ଙ୍ଗୀ ବିରାଟ ବାଇକି ଶୋଭାଯାତ୍ରାରେ ଆଜି ସକାଳ ଆଠ ଘଟିକା ସମୟରେ କଲ୍ୟାଣ ପୁର ପଂଚାୟତ ଅନ୍ତର୍ଗତ ସମସ୍ତ ଗ୍ରାମର ସମସ୍ତ ସାହି ପରିକ୍ରମା କରି ଜନସାଧାରଣ ମାନଙ୍କୁ ପଦ୍ମ ଫୁଲ ଚିହ୍ନରେ ଭୋଟ ଦେଇ ଡବଲ ଇଞ୍ଜିନ ସରକାର ଗଠନ ନିମନ୍ତେ ନିବେଦନ କରିଥିଲେ।

ପଂଚାୟତରେ ଅବସ୍ଥାନ କରୁଥିବା ସମସ୍ତ ଅଧିବାସୀ ମାନଙ୍କର ପାନୀୟ ଜଳ ସମସ୍ୟାର ତୁରନ୍ତ ସମାଧାନ ନିମନ୍ତେ ସଦୟ ପ୍ରତିଶୃତି ପ୍ରଦାନ କରିଥିଲେ. ଏହି ଶୋଭାଯାତ୍ରାରେ ପୂର୍ବତନ ଜିଲ୍ଲା ପରିଷଦ ସଦସ୍ୟ କୁନାଲ କୁମାର ରାଉତଙ୍କ ନେତୃତ୍ୱରେ ସ୍ୱତପ୍ରବୃତ ଭାବରେ ସ୍ଥାନୀୟ ଯୁବକ, ଛାତ୍ର, ମହିଳା ଓ ବରିଷ୍ଠ ନାଗରିକ ମାନେ ସହ ସହ ସଂଖ୍ୟାରେ ଭାଗ ନେଇ କାର୍ଯ୍ୟକ୍ରମକୁ ସଫଳ କରିଥିଲେ । ସେହିପରି ସନ୍ଧ୍ୟାରେ ଚନ୍ଦ୍ରଶେଖରପୁର ୱାର୍ଡ ନମ୍ବର ନଅ ସ୍ଥିତ ପ୍ରସାର ଭାରତୀ କାର୍ଯ୍ୟାଳୟ ସଂମୁଖରୁ ଏକ ବିଶାଳ ଶୋଭାଯାତ୍ରାରେ ହଜାର ହଜାର ସମର୍ଥକ ମାନଙ୍କ ସହିତ ଗାଡ଼କଣ ଓ ରଙ୍ଗମାଟିଆ ଗ୍ରାମର ସମସ୍ତ ସାହି ପରିକ୍ରମା କରି ଚଳିତ ନିର୍ବାଚନରେ ପ୍ରତ୍ୟକ ଭୋଟର ତଥା ବରିଷ୍ଠ ନାଗରିକ ମାନେ ଭୋଟଦାନ କେନ୍ଦ୍ରକୁ ଯାଇ ଯୋଗ୍ୟ ପ୍ରାର୍ଥୀଙ୍କୁ ଭୋଟ ଦେଇ ଭାରତୀୟ ଜନତା ପାର୍ଟିକୁ ସମର୍ଥନ ସ୍ୱରୂପ ପଦ୍ମ ଫୁଲ ଚି଼ହ୍ନରେ ଉଭୟ ଲୋକସଭା ଓ ବିଧାନସଭାକୁ ସାଂସଦ ଓ ବିଧାୟକ ଭାବରେ ନିର୍ବାଚିତ କରିବା ପାଇଁ ନିବେଦନ କରିଥିଲେ।

ଆପଣ ମାନେ ବିଧାୟକ ଭାବରେ ନିର୍ବାଚିତ କରିବାର ଏକ ମାସ ମଧ୍ୟରେ ଏଠାକାର ମୁଖ୍ୟ ସମସ୍ୟା ଭୁବନେଶ୍ୱର ମହାନଗର ନିଗମ ଦ୍ୱାରା ସୃଷ୍ଟି ହେଇଥିବା ଅଳିଆ ଗଦାକୁ ଅନ୍ୟତ୍ର ସ୍ଥାନାନ୍ତର କରିବା ପାଇଁ ଶ୍ରୀ ମିଶ୍ର ଦୃଢ଼ ପ୍ରତିଶୃତି ପ୍ରଦାନ କରିଥିଲେ। ନିକଟରେ ଥିବା ସୈନିକ ସ୍କୁଲରେ ପାଠ ପଢ଼ୁଥିବା ଛାତ୍ର ଛାତ୍ରୀ, ଶିକ୍ଷକ ଶିକ୍ଷୟତ୍ରୀ ତଥା ଏଠାରେ ଅବସ୍ଥାନ କରୁଥିବା ଜନସାଧାରଣ ଅସ୍ୱାସ୍ଥକର ପରିବେଶ ପାଇଁ ବିଭିନ୍ନ ରୋଗ ବୈରାଗର ଶିକାର ହେଉଥିବା ସମ୍ପର୍କରେ ପ୍ରକାଶ କରି ତୁରନ୍ତ ଏହି ସରକାରକୁ ବଙ୍ଗୋପ ସାଗରରେ ଫିଙ୍ଗି ବି ଜେ ପି ସରକାର ଆଣିବା ନିମନ୍ତେ ମଧ୍ୟ ନିବେଦନ କରିଥିଲେ । ଏହି କାର୍ଯ୍ୟକ୍ରମରେ ବସନ୍ତ କୁମାର ପରିଡା, ବାବୁଲି ନନ୍ଦ, ଅଶୋକ କୁମାର ସେଠି, ବସନ୍ତ କୁମାର ତ୍ରିପାଠୀ, ପ୍ରଦୀପ କୁମାର ଜେନା ନଗେନ କୁମାର ବିଶୋଇ, ରଶ୍ମି ରେଖା ଜେନା ଉପସ୍ଥିତ ରହି ଶୋଭାଯାତ୍ରା ପରିଚାଳନା କରିଥିଲେ।

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy