Railway Recruitment: ପୂର୍ବାଞ୍ଚଳ ରେଳବାଇ ଗ୍ରୁପ୍ ସି ଏବଂ ଗ୍ରୁପ୍ ଡି ପଦବୀରେ ନିଯୁକ୍ତି ପାଇଁ ବିଜ୍ଞପ୍ତି ଜାରି କରିଛି। ଯୋଗ୍ୟ ତଥା ଆଗ୍ରହୀ ପ୍ରାର୍ଥୀମାନେ RRC ର ଅଫିସିଆଲ୍ ୱେବସାଇଟ୍ ER rrcer.org ଏବଂ rrcrecruit.co.in ଭିଜିଟ୍ କରି ଅନଲାଇନରେ ଆବେଦନ କରିପାରିବେ। ଏହି ନିଯୁକ୍ତି ଡ୍ରାଇଭ୍ ମାଧ୍ୟମରେ ପୂର୍ବ ରେଳବାଇରେ ୬୦ଟି ପଦବୀ ପୂରଣ କରିବ। ୧୫ ନଭେମ୍ବର ୨୦୨୪ ରୁ ରେଜିଷ୍ଟ୍ରେସନ ପ୍ରକ୍ରିୟା ଆରମ୍ଭ ହୋଇଛି। ଆବେଦନ କରିବାର ଶେଷ ତାରିଖ ହେଉଛି ୧୪ ଡିସେମ୍ବର ୨୦୨୪ ରହିଛି। ଏହି ନିଯୁକ୍ତି ସ୍ପୋର୍ଟ୍ସ କୋଟା ଅଧୀନରେ କରାଯିବ।
ଗ୍ରୁଫ୍ ‘C’, ଲେବଲ୍-୪/ ଲେବଲ୍-୫: ୫ଟି ପୋଷ୍ଟ
ଗ୍ରୁଫ୍ ‘C’ ଲେବଲ୍ -୨ / ସ୍ତର -୩: ୧୬ଟି ପୋଷ୍ଟ
ଗ୍ରୁଫ୍ ‘D’ ଲେବଲ୍ -୧ (୭ CPC): ୩୯ଟି ପୋଷ୍ଟ
ଅନ୍ଲାଇନରେ ଆବେଦନ କରିବାକୁ ଚାହୁଁଥିବା ପ୍ରାର୍ଥୀମାନଙ୍କ ବୟସ ୧୮ ରୁ ୨୫ ବର୍ଷ ବୟସ ମଧ୍ୟରେ ହେବା ଉଚିତ୍। ବୟସର ହିସାବ ତାରିଖ ୦୧.୦୧.୨୦୨୫ ଅନୁଯାୟୀ ହେବ।
ଚୟନ ପ୍ରକ୍ରିୟା
ଚୟନ ପ୍ରକ୍ରିୟାରେ ୫୦ ମାର୍କର ମାନଦଣ୍ଡ ଅନୁଯାୟୀ ସ୍ୱୀକୃତିପ୍ରାପ୍ତ କ୍ରୀଡ଼ା ସଫଳତାର ମୂଲ୍ୟାଙ୍କନ ଅନ୍ତର୍ଭୁକ୍ତ ହେବ। ଏଥିରେ କ୍ରୀଡା ଦକ୍ଷତା, ଶାରୀରିକ ଫିଟନେସ୍ ଏବଂ ପରୀକ୍ଷା ସମୟରେ ପ୍ରଶିକ୍ଷକଙ୍କ ସମୀକ୍ଷା ଏବଂ ଶିକ୍ଷାଗତ ଯୋଗ୍ୟତା ପାଇଁ ୧୦ ମାର୍କ ଅନ୍ତର୍ଭୁକ୍ତ। ନିଯୁକ୍ତି ପ୍ରକ୍ରିୟା ପାଇଁ ଇ-କଲ ଲେଟର୍ RRC / ER ୱେବସାଇଟରେ ଅନଲାଇନ୍ ଡାଉନଲୋଡ୍ ପାଇଁ ଉପଲବ୍ଧ ହେବ।
ଆବେଦନ ଶୁଳ୍କ
ସମସ୍ତ ପ୍ରାର୍ଥୀଙ୍କ ପାଇଁ ଆବେଦନ ଶୁଳ୍କ ୫୦୦ ଟଙ୍କା ରହିଛି। ଏସସି, ଏସଟି, ମହିଳା, ସଂଖ୍ୟାଲଘୁ ଏବଂ ଅର୍ଥନୈତିକ ପଛୁଆ ଶ୍ରେଣୀର ପ୍ରାର୍ଥୀଙ୍କ ପାଇଁ ଦେୟ ୨୫୦ ଟଙ୍କା ରଖାଯାଇଛି। ଇଣ୍ଟରନେଟ୍ ବ୍ୟାଙ୍କିଙ୍ଗ୍ କିମ୍ବା ଡେବିଟ୍ କିମ୍ବା କ୍ରେଡିଟ୍ କାର୍ଡ ମାଧ୍ୟମରେ ଅନଲାଇନରେ ଏହି ଦେୟ ପ୍ରଦାନ କରିପାରିବେ।
