Shubhman Gill Shahneel Gill age difference: ଶୁଭମାନ ଗିଲ୍-ଶାହନେଲ ଗିଲଙ୍କ ବୟସ ପାର୍ଥକ୍ୟ: କ୍ରିକେଟ୍ ହେଉ କିମ୍ବା ଅନ୍ୟ କୌଣସି ଖେଳ, କ୍ରିଡାବିତ୍ ସେମାନଙ୍କ ବୟସ ଲୁଚାଇ ଅନେକ ଥର ଧରାପଡିଛନ୍ତି । ପୂବର୍ତନ ଭାରତୀୟ କ୍ରିକେଟର ଅମିତ ମିଶ୍ର ତାଙ୍କ ବୟସ ଲୁଚାଇଥିବା ସ୍ୱୀକାର କରିଥିବା ବେଳେ ନୀତୀଶ ରାଣା ତାଙ୍କ ବୟସ ଲୁଚାଇ ଥିବାରୁ ଥରେ ବିସିସିଆଇରୁ ନିଲମ୍ବନର ସମ୍ମୁଖୀନ ହୋଇଛନ୍ତି । କିନ୍ତୁ ବର୍ତ୍ତମାନ ସମାନ କାରଣ ପାଇଁ ଶୁଭମାନ ଗିଲ ମଧ୍ୟ ଚର୍ଚ୍ଚାରେ ଅଛନ୍ତି । ବାସ୍ତବରେ ସୋସିଆଲ ମିଡିଆରେ ଏକ ପୋଷ୍ଟ ଭାଇରାଲ ହେଉଛି, ଯେଉଁଥିରେ ଶୁଭମାନ ଗିଲ ଏବଂ ତାଙ୍କ ଭଉଣୀ ଶାହନେଲ ଗିଲଙ୍କ ଜନ୍ମଦିନରେ ମାତ୍ର ୩ ମାସର ପାର୍ଥକ୍ୟ ଅଛି ।
ଶୁଭମାନ ଗିଲ ବର୍ତ୍ତମାନ ଭାରତର ଶ୍ରେଷ୍ଠ କ୍ରିକେଟରମାନଙ୍କ ମଧ୍ୟରୁ ଜଣେ ଏବଂ ସେ ୮ ସେପ୍ଟେମ୍ବର ୧୯୯୯ରେ ପଞ୍ଜାବର ଫାଜିଲ୍କାଠାରେ ଜନ୍ମଗ୍ରହଣ କରିଥିଲେ । ଶୁଭମାନଙ୍କର ଏକ ଭଉଣୀ ମଧ୍ୟ ଅଛନ୍ତି, ଯାହାର ନାମ ଶାହନେଲ ଗିଲ, ଯିଏ ସୋସିଆଲ ମିଡିଆରେ ସକ୍ରିୟ ଏବଂ ନିରନ୍ତର ଆଲୋଚନାରେ ରହିଛନ୍ତି । ପୋଷ୍ଟରେ ଭାଇରାଲ ହେଉଥିବା ଦେଖିବାକୁ ମିଳେ ଯେ ଶାହନେଲ ଗିଲ ୧୬ ଡିସେମ୍ବର ୧୯୯୯ ରେ ଜନ୍ମଗ୍ରହଣ କରିଥିଲେ । ଯଦି ଆମେ ଉଭୟ ଭାଇ ଓ ଭଉଣୀଙ୍କ ଜନ୍ମଦିନକୁ ଦେଖିବା, ତେବେ କେବଳ ୩ ମାସର ପାର୍ଥକ୍ୟ ଅଛି । ଏଭଳି ପରିସ୍ଥିତିରେ ଭାରତୀୟ କ୍ରିକେଟରମାନେ ବୟସ ବଦଳାଇ ଠକିଥିବା ଅଭିଯୋଗ ହୋଇଛି ।
ସତ୍ୟ କ’ଣ?
ଏଭଳି ପୋଷ୍ଟଗୁଡିକ ପୂର୍ବରୁ ମଧ୍ୟ ଭାଇରାଲ ହୋଇସାରିଛି, କିନ୍ତୁ ଗୁଜୁରାଟ ଟାଇଟାନ୍ସ ପ୍ରାୟ ଏକ ବର୍ଷ ପୂର୍ବେ ରକ୍ଷାବନ୍ଧନ ଅବସରରେ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଥିଲେ । ସେହି ଭିଡିଓ କ୍ଲିପ୍ରେ ଗୁଜୁରାଟ ପାଇଁ ଖେଳୁଥିବା ଖେଳାଳିଙ୍କ ଭଉଣୀମାନେ ନିଜ ଭାଇମାନଙ୍କ ପ୍ରତି ନିଜର ପ୍ରେମ ବ୍ୟକ୍ତ କରିଥିଲେ । ସେହି ସମାନ ଭିଡିଓରେ ଶାହନେଲ ଗିଲ ପ୍ରକାଶ କରିଛନ୍ତି ଯେ ତାଙ୍କ ଏବଂ ଶୁଭମାନଙ୍କ ମଧ୍ୟରେ ଅଢେଇ ବର୍ଷର ବୟସ ପାର୍ଥକ୍ୟ ଅଛି ।
ଏହି ଭିଡିଓରେ ଶାହନେଲ ଗିଲ କୁହନ୍ତି, “ଆମେ ପିଲାଦିନେ ପରସ୍ପରର ସର୍ବୋତ୍ତମ ବନ୍ଧୁ ଥିଲୁ । ଆମେ ସବୁବେଳେ ଏକାଠି ବୁଲୁଥିଲୁ । କିନ୍ତୁ ଯେତେବେଳେ ଶୁବମାନ ମ୍ୟାଚ୍ ଖେଳିବାକୁ ବାହାରକୁ ଗଲେ, ଅଧିକାଂଶ ସମୟ ବାହାରେ ରହିଲେ, ସେତେବେଳେ ସମୟ ବିତାଇବା ମୋ ପାଇଁ କଷ୍ଟ ହୋଇପଡିଲା । କାରଣ ମୋର ବେଶୀ ସାଙ୍ଗ ନଥିଲେ । ଆମେ ଛୋଟବେଳେ ସବୁବେଳେ ସାଙ୍ଗ ହୋଇ ରହୁଥିଲୁ କାରଣ ଆମ ବୟସରେ ମାତ୍ର ଅଢେଇ ବର୍ଷ ଅନ୍ତର ରହିଛି । ମୁଁ ଛୋଟ ବେଳେ ବହୁତ ଲାଜକୁଳି ଥିଲି, କିନ୍ତୁ ଶୁଭମାନ ବହୁତ ଦୁଷ୍ଟ ଥିଲା ।
