ଶ୍ରୀଲଙ୍କା କ୍ରିକେଟ୍ ସଦସ୍ୟତାକୁ ନିଲମ୍ବନ କଲା ଆଇସିସି

0 772

ଆନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) ବୋର୍ଡ ଶୁକ୍ରବାର ଦିନ ତୁରନ୍ତ ପ୍ରଭାବ ସହିତ ଶ୍ରୀଲଙ୍କା କ୍ରିକେଟ୍ ସଦସ୍ୟତାକୁ ନିଲମ୍ବନ କରିଛି । ଆଇସିସି ବୋର୍ଡ ବୌଠକରେ ନିଷ୍ପତ୍ତି ନେଇଛି ଯେ ଶ୍ରୀଲଙ୍କା କ୍ରିକେଟ୍ ସଦସ୍ୟ ଭାବରେ ଏହାର ଦାୟିତ୍ୱକୁ ଗୁରୁତର ଉଲ୍ଲଂଘନ କରୁଛି । ନିଲମ୍ବନ ସର୍ତ୍ତାବଳୀ ଆଇସିସି ବୋର୍ଡ ଦ୍ୱାରା ଧାର୍ଯ୍ୟ ସମୟରେ ସ୍ଥିର କରାଯିବ ।

ବିଶ୍ୱକପ୍‌ ୨୦୨୩ ରେ ଶ୍ରୀଲଙ୍କା କ୍ରିକେଟ୍ ଦଳର ଖରାପ ପ୍ରଦର୍ଶନ ଯୋଗୁଁ ବୋର୍ଡ ଭିତରେ ଓ ଶ୍ରୀଲଙ୍କାରେ ଅଶାନ୍ତି ଦେଖାଦେଇଛି । ଶ୍ରୀଲଙ୍କାର ସଂସଦ ଗୁରୁବାର ଦିନ ସର୍ବସମ୍ମତି କ୍ରମେ ଦେଶର କ୍ରିକେଟ୍ ସଂଞ୍ଚାଳନ ସଂସ୍ଥାକୁ ବରଖାସ୍ତ କରିବାକୁ ନିଷ୍ପତ୍ତି ନେଇଛି । ଏହା ଶାସକ ଦଳ ଓ ବିରୋଧୀ ଦଳଙ୍କ ଠାରୁ ସମ୍ପୂର୍ଣ୍ଣ ସମର୍ଥନ ପାଇଥିଲା ।

ସୋମବାର ଦିନ କ୍ରୀଡ଼ା ମନ୍ତ୍ରୀ ରୋଶନ ରଣସିଂହ ଶ୍ରୀଲଙ୍କା କ୍ରିକେଟ୍ ମ୍ୟାନେଜମେଣ୍ଟକୁ ବରଖାସ୍ତ କରି ପୂର୍ବତନ ବିଶ୍ୱକପ ବିଜେତା ଅଧିନାୟକ ଅର୍ଜୁନ ରାଣାଟୁଙ୍ଗାଙ୍କୁ କ୍ରିକେଟ୍ ବୋର୍ଡ ଚଳାଇବା ପାଇଁ ସାତଜଣିଆ ମଧ୍ୟବର୍ତ୍ତୀକାଳୀନ କମିଟିର ମୁଖ୍ୟ ଭାବରେ ନିଯୁକ୍ତ କରିଛନ୍ତି । ତେବେ ଏହା ପରେ ମଙ୍ଗଳବାର ଦିନ ଅପିଲ କୋର୍ଟ ଶ୍ୟାମି ସିଲଭାଙ୍କ ନେତୃତ୍ୱରେ ଶ୍ରୀଲଙ୍କା କ୍ରିକେଟ୍ ପରିଚାଳନାକୁ ପୁନଃସ୍ଥାପିତ କରିଛନ୍ତି।

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy