Sweet Potato Benefits: ଶୀତଦିନେ କନ୍ଦମୂଳ ଖାଇବାର ମଜା ହିଁ କିଛି ଅଲଗା। ଶୀତ ଦିନ ଆସିଲେ ଏହି ଶୁସ୍ୱାଦୁ ଜିନିଷଟି ମାର୍କେଟରେ ମିଳିବା ଆରମ୍ଭ ହୋଇଯାଇଥାଏ। ଏହା ଖାଇବା ଦ୍ୱାରା କେବଳ ଗୋଟିଏ ନୁହେଁ ଅନେକ ଲାଭ ମିଳିଥାଏ। କନ୍ଦମୂଳ କେବଳ ସ୍ୱାସ୍ଥ୍ୟ ପାଇଁ ଲାଭଦାୟକ ନୁହେଁ, ଅନେକ ରୋଗରୁ ଏହା ମୁକ୍ତି ଦେବାରେ ମଧ୍ୟ ସାହାଯ୍ୟ କରିଥାଏ। କନ୍ଦମୂଳରେ ଅନେକ ପୋଷକ ତତ୍ତ୍ୱ ଥାଏ, ଏଥିରେ ଭିଟାମିନ୍ ଏ, ସି, ଫାଇବର ଏବଂ ଆଣ୍ଟିଅକ୍ସିଡାଣ୍ଟ ପ୍ରଚୁର ପରିମାଣରେ ମିଳିଥାଏ। ଏହା ଆମର ରୋଗ ପ୍ରତିରୋଧକ ଶକ୍ତି ବଢ଼ାଇଥାଏ ଏବଂ ଶରୀରକୁ ଗରମ ରଖିବାରେ ସାହାଯ୍ୟ କରିଥାଏ। ଆସନ୍ତୁ ଜାଣିବା କନ୍ଦମୂଳ ଖାଇବା ବିଷୟରେ ବିଶେଷଜ୍ଞମାନେ କ’ଣ କୁହନ୍ତି?
ସ୍ୱାସ୍ଥ୍ୟ ବିଶେଷଜ୍ଞମାନେ କ’ଣ କୁହନ୍ତି?
ଗ୍ଲୋବାଲ୍ ରେନବୋ ହସ୍ପିଟାଲ୍ ଆଗ୍ରାର ସ୍ୱାସ୍ଥ୍ୟ ବିଶେଷକ୍ଜ୍ଞ ରେଣୁକା ଡାଙ୍ଗ୍ କହିଛନ୍ତି ଯେ କନ୍ଦମୂଳରେ ଅତ୍ୟାବଶ୍ୟକ ଭିଟାମିନ୍, ଫାଇବର ଏବଂ ଆଣ୍ଟିଅକ୍ସିଡାଣ୍ଟ ଥାଏ। ଏହା ଆପଣଙ୍କ ହଜମ ପ୍ରକ୍ରିୟାକୁ ସୁସ୍ଥ ରଖେ ଏବଂ କୋଷ୍ଠକାଠିନ୍ୟ ଭଳି ସମସ୍ୟାକୁ ହ୍ରାସ କରିବାରେ ସାହାଯ୍ୟ କରିଥାଏ। ପ୍ରାୟତଃ ଶୀତଦିନେ କୋଷ୍ଠକାଠିନ୍ୟ ସମସ୍ୟା ଦେଖିବାକୁ ମିଳିଥାଏ, କନ୍ଦ ମୂଳ ଖାଇବା ଦ୍ୱାରା ଏହା ଆପଣଙ୍କ ଝାଡ଼ା ସମସ୍ୟା ହ୍ରାସ କରିଥାଏ ଏବଂ ଆପଣଙ୍କ ପେଟକୁ ସଫା ରଖିଥାଏ। ଏହା ବ୍ୟତୀତ ଭଲ ବ୍ୟାକ୍ଟେରିଆ ଏହାର ପେଟରେ ବଢ଼ିଥାଏ। ଏହାକୁ ଖାଇବା ଦ୍ୱାରା ଆପଣଙ୍କ ପେଟ ଦୀର୍ଘ ସମୟ ପର୍ଯ୍ୟନ୍ତ ପୂରି ରହିଥାଏ ଏବଂ ଆପଣ ଅତ୍ୟଧିକ ଖାଇବା ଠାରୁ ନିବୃତ ରଖିଥାଏ। ତେଣୁ ଏହା ଓଜନ ହ୍ରାସ କରିବାରେ ସାହାଯ୍ୟ କରେ।
ସୁଗାର ସ୍ତର ନିୟନ୍ତ୍ରଣ ରଖିବାରେ ସାହାଯ୍ୟ କରିଥାଏ:
କନ୍ଦମୂଳରେ କମ୍ ଗ୍ଲାଇସେମିକ୍ ଇଣ୍ଡେକ୍ସ ଏବଂ ହାଇ ଫାଇବର କାରଣରୁ ରକ୍ତରେ ଶର୍କରା ସ୍ତର ହ୍ରାସ କରିବାରେ ସାହାଯ୍ୟ କରିଥାଏ। ଏହାର ନ୍ୟାଚୁରାଲ୍ ସୁଗାର ଆପଣଙ୍କ ଶରୀରକୁ ସୁସ୍ଥ ରଖେ ଏବଂ ମଧୁମେହ ହେବାର ଆଶଙ୍କା କମିଯାଏ। ମିଠା ଆଳୁ ଖାଇବା ଦ୍ୱାରା ଶରୀରରେ ସୁଗାର ସ୍ତର ସହଜରେ କମିଯାଏ।
ତ୍ୱଚାକୁ ସୁସ୍ଥ ରଖେ:
କନ୍ଦମୂଳରେ ବିଟା-କାରୋଟିନ୍ ଏବଂ ଆଣ୍ଟିଅକ୍ସିଡାଣ୍ଟ ଭରପୂର ଅଟେ, ଯାହା ଚର୍ମ ପାଇଁ ଲାଭଦାୟକ ପ୍ରମାଣିତ ହୋଇପାରେ। ଶୀତଦିନେ ମିଠା ଆଳୁ ଖାଇବା ଦ୍ୱାରା କୋମଳ, ସ୍ୱଚ୍ଛ ଏବଂ ତ୍ୱଚାକୁ ନରମ ରଖିଥାଏ। ଚର୍ମର ଆର୍ଦ୍ରତା ବଜାୟ ରଖିବାରେ ସେମାନଙ୍କର ପୋଷକ ତତ୍ତ୍ୱ ସାହାଯ୍ୟ କରିଥାଏ। ଯେଉଁଥିପାଇଁ ଆପଣଙ୍କ ତ୍ୱଚା ସୁସ୍ଥ ଏବଂ ଉଜ୍ଜ୍ୱଳ ରହିଥାଏ।
(Disclaimer: କୌଣସି ସ୍ୱାସ୍ଥ୍ୟ ସମ୍ବନ୍ଧୀୟ ଟିପ୍ସ ଫଲୋ କରିବା ପୂର୍ବରୁ ସର୍ବଦା ଜଣେ ବିଶେଷଜ୍ଞ କିମ୍ବା ଆପଣଙ୍କ ଡାକ୍ତରଙ୍କ ସହିତ ପରାମର୍ଶ କରନ୍ତୁ।)
