ନୂଆଦିଲ୍ଲୀ: ଗୌତମ ଗମ୍ଭୀର ଏବେ ଭାରତୀୟ ପୁରୁଷ କ୍ରିକେଟ୍ ଦଳର ମୁଖ୍ୟ ପ୍ରଶିକ୍ଷକ ଭାବରେ କାର୍ଯ୍ୟ କରୁଛନ୍ତି । ଏହାପୂର୍ବରୁ ଗମ୍ଭୀର ଆଇପିଏଲ୍ ୨୦୨୪ ରେ କୋଲକାତା ନାଇଟ୍ ରାଇଡର୍ସର ମେଣ୍ଟର ଭାବରେ କାର୍ଯ୍ୟ କରିଥିଲେ ଏବଂ ଏହାପୂର୍ବରୁ ଗମ୍ଭୀର ଲକ୍ଷ୍ନøସୁପର ଜିଆଣ୍ଟସର ମେଣ୍ଟର ଥିଲେ । ଗମ୍ଭୀରଙ୍କ ପରେ ଲକ୍ଷ୍ନୌ ଫ୍ରାଞ୍ଚାଇଜକୁ କୌଣସି ନୂତନ ମେଣ୍ଟର ଆସି ନଥିଲେ । ତେବେ ବର୍ତ୍ତମାନ ଜାହିର ଖାନଙ୍କ ବିଷୟରେ ଆଲୋଚନା ଚାଲିଛି । ଯଦି ଗଣମାଧ୍ୟମର ରିପୋଟର୍କୁ ବିଶ୍ୱାସ କରାଯାଏ, ତେବେ ଜାହିର ଖାନ ଲକ୍ଷ୍ନୌରେ ଗମ୍ଭୀରଙ୍କ ଖାଲି ସ୍ଥାନ ପୂରଣ କରିପାରିବେ ।
ସୂଚନା ଥାଉ କି, ମେଣ୍ଟର ବ୍ୟତୀତ ଲକ୍ଷ୍ନୌ ସୁପର ଜିଆଂଟସରେ ବୋଲିଂ ପ୍ରଶିକ୍ଷକଙ୍କ ଅଭାବ ମଧ୍ୟ ରହିଛି । ବର୍ତ୍ତମାନ ଦଳର ବୋଲିଂ କୋଚ୍ ମର୍ନେ ମର୍କେଲ ମଧ୍ୟ ଏହି ପଦ ଛାଡିଛନ୍ତି । ମର୍କେଲ ମଧ୍ୟ ଭାରତୀୟ କ୍ରିକେଟ୍ ଦଳର କୋଚିଂ କମର୍ଚାରୀଙ୍କ ଏକ ଅଂଶ ହୋଇଛନ୍ତି । ଏଭଳି ପରିସ୍ଥିତିରେ ଜାହିର ଖାନ ଜଣେ ମେଂଟର ପାଇଁ ଫିଟ୍ ଦେଖାଯାଉଛନ୍ତି, କାରଣ ସେ ଦଳର ବୋଲରମାନଙ୍କୁ ମଧ୍ୟ ପ୍ରଶିକ୍ଷଣ ଦେଇ ପାରିବେ ।
କ୍ରିକବଜ୍ ରିପୋର୍ଟ ଅନୁଯାୟୀ ଜାହିର ଖାନ୍ ଏବଂ ଲକ୍ଷ୍ନୌ ସୁପର ଜିଆଂଟସ୍ ମଧ୍ୟରେ ଆଲୋଚନା ଚାଲିଛି । ତେବେ ଏପର୍ଯ୍ୟନ୍ତ ଲକ୍ଷ୍ନୌସୁପର ଜିଆଂଟସ୍ କିମ୍ବା ଜାହିର ଖାନଙ୍କ ବିଷୟରେ କୌଣସି ସରକାରୀ ସୂଚନା ସେୟାର କରାଯାଇ ନାହିଁ । ଏବେ ଦେଖିବା ମଜାଦାର ହେବ ଯେ ଲକ୍ଷ୍ନୌସୁପର ଜଏଂଟସ୍ ପୂର୍ବତନ ଭାରତୀୟ ପେସ ବୋଲରଙ୍କୁ ମେଣ୍ଟର କରୁଛନ୍ତି କି ନାହିଁ ।
ଭାରତ ପାଇଁ ତିନୋଟି ଫର୍ମାଟ୍ ଖେଳିଛନ୍ତି
ସୂଚନାଯୋଗ୍ୟ ଯେ, ଜାହିର ଖାନ ଜଣେ ଦ୍ରୁତ ବୋଲର ଯିଏ ଭାରତ ପାଇଁ ତିନୋଟି ଫର୍ମାଟରେ ଖେଳିଥିଲେ । ଜାହିର ୨୦୦୦ ରୁ ୨୦୧୪ ପର୍ଯ୍ୟନ୍ତ ଆନ୍ତର୍ଜାତୀୟ କ୍ରିକେଟ୍ ଖେଳିଥିଲେ । ସେ ଟିମ୍ ଇଣ୍ଡିଆ ପାଇଁ ୯୨ଟେଷ୍ଟ, ୨୦୦ ଟି ଦିନିକିଆ ଏବଂ ୧୭ ଟି -୨୦ ଅନ୍ତର୍ଜାତୀୟ ମ୍ୟାଚ୍ ଖେଳିଥିଲେ । ଟେଷ୍ଟରେ ଜାହିର ହାରାହାରି ୩୨.୯୪ ରେ ୩୧୧ ୱିକେଟ୍ ନେଇଥିଲେ । ଏହା ବ୍ୟତୀତ ଭାରତୀୟ ପେସ ହାରାହାରି ୨୯.୪୩ ରେ ଦିନିକିଆ;ା ୨୮୨ ୱିକେଟ୍ ନେଇଥିଲେ, ଯେଉଁଥିରେ ୫/୪୨ ଶ୍ରେଷ୍ଠ ବୋଲିଂ ଫିଗର ଥିଲା । ଟି -୨୦ ଇଂଟରନ୍ୟାସନାଲ ଅବଶିଷ୍ଟ ୧୭ ଇନିଂସରେ ସେ ହାରାହାରି ୨୬.୩୫ ରେ ୧୭ ୱିକେଟ୍ ନେଇଥିଲେ । ଏହି ଅବଧିରେ ସେ ୭.୬୩ ର ହାରରେ ରନ୍ ଖର୍ଚ୍ଚ କରିଥିଲେ । ଟି -୨୦ ଇଂଟରନ୍ୟାସନାଲରେ ଜାହିର ଖାନଙ୍କ ଶ୍ରେଷ୍ଠ ବୋଲିଂ ଫିଗର ଥିଲା ୪/୧୯ ।
