କୁଆଲାଲମ୍ପୁର,: ମାଲେସିଆର କୁଆଲାଲମ୍ପୁରର ଉତ୍ତରରେ ଥିବା ଏକ ଏକ୍ସପ୍ରେସୱେରେ ଏକ ଚାର୍ଟର ବିମାନ ଦୁର୍ଘଟଣାଗ୍ରସ୍ତ ହୋଇଛି । ସିଏନ୍ଏନ୍ ରିପୋର୍ଟ ଅନୁଯାୟୀ ଏହି ଦୁର୍ଘଟଣାରେ ଅତି କମରେ ୧୦ ଜଣଙ୍କର ମୃତ୍ୟୁ ହୋଇଛି ।
ରିପୋର୍ଟରେ କୁହାଯାଇଛି ଯେ, ବିମାନଟି ଏକ ଏକ୍ସପ୍ରେସୱେରେ ଅବତରଣ କରୁଥିବା ବେଳେ ଦୁର୍ଘଟଣାଗ୍ରସ୍ତ ହୋଇଥିଲା । ମାଲେସିଆର ବେସାମରିକ ବିମାନ ଚଳାଚଳ ପ୍ରାଧିକରଣର ଏକ ବିବୃତ୍ତିରେ ଏହା ଦର୍ଶାଇଛି ।
୬ଜଣ ଯାତ୍ରୀ ଏବଂ ଦୁଇଜଣ ବିମାନ କର୍ମଚାରୀଙ୍କୁ ନେଇ ଯାଉଥିବା ବିମାନ ଲାଙ୍ଗକ ବଙ୍ଗସ ି ଅନ୍ତର୍ଜାତୀୟ ବିମାନବନ୍ଦରରୁ ସୁଲତାନ ଅବଦୁଲ ଅଜିଜ ଶାହା ବିମାନବନ୍ଦରକୁ ଯାଉଥିଲା । ଏହି ବିମାନଟି ସୁବାଙ୍ଗ ଏୟାର ଟ୍ରାଫିକ କଣ୍ଟ୍ରୋଲ ଟାୱାର ସହିତ ଅପରାହ୍ନ ୨.୪୭ (ସ୍ଥାନୀୟ ସମୟ) ରେ ପ୍ରଥମେ ଯୋଗାଯୋଗ କରିଥିଲା । ଯାହାର ଅବତରଣ ଅପରାହ୍ନ ୨:୪୮ ରେ ଅନୁମୋଦନ କରାଯାଇଥିଲା ।
କାର ଏବଂ ମୋଟରସାଇକେଲ ସହ ବିମାନ ଧକ୍କା ହୋଇଥିଲା
ଏହାସହ ଏହା କହିଛି ଯେ, ଅପରାହ୍ନ ୨:୫୧ ସମୟରେ କଣ୍ଟ୍ରୋଲ୍ ଟାୱାର ଦୁର୍ଘଟଣାସ୍ଥଳରୁ ଧୂଆଁ ବାହାରୁଥିବା ଦେଖିଥଲା । ସେଲାଙ୍ଗୋର ପୋଲିସ ମୁଖ୍ୟ ହୁସେନ୍ ଓମାର ଖାନ କହିଛନ୍ତି ଯେ, ବିମାନଟି ଏକ କାର ଏବଂ ମୋଟରସାଇକେଲ ସହିତ ମୁହାଁମୁହିଁ ଧକ୍କା ହୋଇଥିଲା ।
ହୁସେନ୍ ଉମର ଖାନ କହିଛନ୍ତି, ଫୋରେନସିକ୍ କର୍ମଚାରୀମାନେ ମୃତଦେହ ସଂଗ୍ରହ ପ୍ରକ୍ରିୟାରେ ଅଛନ୍ତି ଏବଂ ପୋଷ୍ଟମର୍ଟମ ପରୀକ୍ଷା ଏବଂ ଚିହ୍ନଟ ପ୍ରକ୍ରିୟା ପାଇଁ ସେମାନଙ୍କୁ କ୍ଲାଙ୍ଗର ଟେଙ୍ଗ୍କୁ ଆମ୍ପୁଆନ୍ ରହୀମା ଡାକ୍ତରଖାନାକୁ ଆଣିବେ । ପରିବହନ ମନ୍ତ୍ରଣାଳୟ ଘଟଣାର ତଦନ୍ତ କରିବ । ଦୁର୍ଘଟଣାସ୍ଥଳରୁ ଭିଡିଓ ଏବଂ ଚିତ୍ରଗୁଡ଼ିକ ରାଜପଥର ଏକ ଚାର୍ଡ ବିଭାଗକୁ ବାୟୁରେ ଧୂଆଁ ବାହାରୁଥିବା ଦର୍ଶାଇଥିଲା ।
