ନୂଆଦିଲ୍ଲୀ: ଭାରତ ଓ ଇଂଲଣ୍ଡ ମଧ୍ୟରେ ଚାଲିଥିବା ଦ୍ୱିତୀୟ ଟେଷ୍ଟ ମ୍ୟାଚର ପ୍ରଥମ ଦିନ ମ୍ୟାଚ ବେଳେ କମେଣ୍ଟ୍ରି କରୁଥିବା ପୂର୍ବତନ ଅଧିନାୟକ ସୁନୀଲ ଗାଭାସ୍କର ହଠାତ ଅଧାରୁ ପଳାଇଯାଇଥିଲେ । ତେବେ ସେ କାହିଁକି ହଠାତ କମେଣ୍ଟ୍ରି ଛାଡି ପଳାଇଲେ, ତାହାକୁ ନେଇ କ୍ରିକେଟ ପ୍ରେମୀଙ୍କ ମଧ୍ୟରେ କଳ୍ପନା ଜଳ୍ପନା ଲାଗି ରହିଛି । ତେବେ ତାଙ୍କ ଶାଶୁଙ୍କ ଦେହାନ୍ତ ଖବର ପାଇ ସେ ତୁରନ୍ତ ବିଶାଖାପାଟନମରୁ କାନପୁର ଅଭିମୁଖେ ଯାତ୍ରା କରିଛନ୍ତି ।
୫ ଟିକିଆ ଟେଷ୍ଟ ସିରିଜର ଦ୍ୱିତୀୟ ଟେଷ୍ଟ ମ୍ୟାଚ୍ ବିଶାଖାପାଟନମରେ ଖେଳାଯାଉଛି । ପ୍ରଥମ ଦିନରେ ଷ୍ଟମ୍ପ୍ ପର୍ଯ୍ୟନ୍ତ ଭାରତ ୬ ୱିକେଟ୍ ହରାଇ ୩୩୬ ରନ୍ ସଂଗ୍ରହ କରିଛି । ଓପନର୍ ଯଶସ୍ୱୀ ଜୈସୱାଲ ୧୭୯ ରନ୍ ସ୍କୋର କରି ଅପରାଜିତ ରହଛନ୍ତି । ଇଂଲଣ୍ଡ ପାଇଁ ଡେବ୍ୟୁ କରିଥିବା ଶୋଏବ ବଶୀର ଦୁଇଟି ୱିକେଟ୍ ନେଇଥିଲେ ।
ଶାଶୁଙ୍କ ମୃତ୍ୟୁ ଖବର ଆସିଲା
ମ୍ୟାଚ ସମୟରେ କମେଣ୍ଟ୍ରି କରୁଥିବା ଭେଟେରାନ କ୍ରିକେଟର ସୁନୀଲ ଗାଭାସ୍କରଙ୍କ ପାଇଁ ଅପ୍ରୀତିକର ଖବର ଆସିଥିଲା । ଖବର ଅନୁଯାୟୀ, ଭାରତର ମହାନ କ୍ରିକେଟର ସୁନୀଲ ଗାଭାସ୍କର ତାଙ୍କ ଶାଶୁଙ୍କ ଦେହାନ୍ତ ଖବର ପାଇଥିଲେ । ଏହା ପରେ ସେ କମେଣ୍ଟ୍ରି ଛାଡି ବିଶାଖାପାଟନମରୁ କାନପୁର ଅଭିମୁଖେ ଯାତ୍ରା କରିଥିଲେ ।
ପରିବାର ସହିତ କାନପୁର ପାଇଁ ଛାଡିଛନ୍ତି
ଶୁକ୍ରବାର ଅପରାହ୍ନରେ ସୁନୀଲ ଗାଭାସ୍କର ତାଙ୍କ ପତ୍ନୀ ମାର୍ଶନେଲ ଗାଭାସ୍କର ଏବଂ ତାଙ୍କ ପରିବାରଙ୍କ ସହ କାନପୁର ଯାଇଥିଲେ । ଭାରତର ବରିଷ୍ଠ ପୁରୁଷ କ୍ରିକେଟ୍ ସିରିଜ୍ ପାଇଁ ଗାଭାସ୍କର ବହୁ ଚର୍ଚ୍ଚିତ ସମୀକ୍ଷକ ଏବଂ ବିଶ୍ଳେଷକ ଅଟନ୍ତି । ହାଇଦ୍ରାବାଦରେ ପ୍ରଥମ ଟେଷ୍ଟ ସମୟରେ ପୂର୍ବତନ ଅଧିନାୟକ ହୋଷ୍ଟ ପ୍ରସାରଣକାରୀଙ୍କ ମନ୍ତବ୍ୟ ପ୍ୟାନେଲର ଅଂଶ ହୋଇଥିଲେ ।
କମେଣ୍ଟ୍ରିରେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି
ଆସନ୍ତୁ ଆପଣଙ୍କୁ କହିବା ଯେ, ସେ ଭାରତ ପାଇଁ ୧୨୫ଟି ଟେଷ୍ଟ ମ୍ୟାଚ୍ ଖେଳିି ୧୦,୧୨୨ ରନ୍ ଏବଂ ୧୦୮ ଟି ଦିନିକିଆ ମ୍ୟାଚ ଖେଳ ୩୦୯୨ ରନ୍ ସ୍କୋର କରିଛନ୍ତି । କ୍ରିକେଟ୍ ରୁ ଅବସର ନେବା ପରେ ସେ ବିଶ୍ୱ କ୍ରିକେଟ୍ ପାଇଁ କମେଣ୍ଟ୍ରି ଦେଉଛନ୍ତି । ଅବସର ପରେ ଗାଭାସ୍କର କ୍ରିକେଟ୍ ପ୍ରଶାସନରେ ଅନେକ ଭୂମିକା ଗ୍ରହଣ କରିଥିଲେ । ସେ ଅତୀତରେ ବିସିସିଆଇର ମଧ୍ୟବର୍ତ୍ତୀକାଳୀନ ସଭାପତି ଭାବରେ କାର୍ଯ୍ୟ କରିଥିଲେ ।
