ଭୁବନେଶ୍ୱର, (ରିପୋଟର୍ସ ପେନ୍): ଏଣିକି ଭକ୍ତ ଓ ଭଗବାନଙ୍କ ମିଳନ ହେବ ଆହୁରି ସହଜ । ଗହଳିକୁ ଦୃଷ୍ଟିରେ ରଖି ପୁରୀ ଶ୍ରୀମନ୍ଦିର ପାଇଁ ଆରମ୍ଭ ହେଉଛି ନୂଆ ଯୋଜନା । ଯାହା ନୂଆବର୍ଷରୁ କାର୍ଯ୍ୟକାରୀ ହେବ ନେଇ ସୂଚନା ମିଳିଛି । ବଡ଼ ଦାଣ୍ଡରେ ଖୁବଶୀଘ୍ର ହେବାକୁ ଯାଉଛି ଏସି ଟନେଲ ବ୍ୟବସ୍ଥା । ଯାହା ଦ୍ୱାରା ସିଧାସଳଖ ଭକ୍ତ ଟନେଲ ଦେଇ ସିଂହଦ୍ୱାର ପର୍ଯ୍ୟନ୍ତ ପହଞ୍ଚିପାରିବେ ।
ସୂଚନା ଅନୁସାରେ, ମରିଚିକୋଟ ଛକରୁ ଆରମ୍ଭ ହୋଇ ସିଂହଦ୍ୱାର ପର୍ଯ୍ୟନ୍ତ ଏହି ଟନେଲ ବ୍ୟବସ୍ଥା କରାଯିବ । ଯେଉଁ ରାସ୍ତା ଦେଇ ଭକ୍ତମାନେ ସିଧାସଳଖ ସିଂହଦ୍ୱାର ନିକଟରେ ପହଞ୍ଚିପାରିବେ । ପରିକ୍ରମା ପ୍ରକଳ୍ପ ଲୋକାର୍ପଣ ପୂର୍ବରୁ ଏହି କାମ ଶେଷ କରିବା ପାଇ ଲକ୍ଷ୍ୟ ରଖାଯାଇଛି । ତେବେ ପାର୍କିଂ ପାଇଁ ୩ଟି ମଲ୍ଟି ପାର୍କିଂ ବ୍ୟବସ୍ଥା କରାଯାଉଛି । ତେଣୁ ମରିଚିକୋଟ ଛକରୁ ସିଂହଦ୍ୱାର ମଧ୍ୟରେ ତିବା ସମସ୍ତ ଉଠା ଦୋକାନୀମାନଙ୍କୁ ସ୍ଥାନାନ୍ତର କରାଯିବା ନେଇ ଯୋଜନା ରହିଛି । ସେମାନଙ୍କୁ ଶ୍ରୀ ସେତୁ ନିକଯରେ ଥଇଥାନ କରିବା ନେଇ ପ୍ରଶାସନ ପକ୍ଷରୁ ଯୋଜନା କରରାଯାଉଛି । ତେବେ ଏହି କାର୍ଯ୍ୟ କେବେଠାରୁ ଆରମ୍ଭ ହେବ ସେ ନେଇ ସୂଚନା ଦିଆଯାଇ ନାହିଁ ।
