ଋଷର ରାଜଧାନୀ ମସ୍କୋର ଏକ କନସର୍ଟ ହଲରେ ଆତଙ୍କବାଦୀ ଆକ୍ରମଣ ହୋଇଥିଲା। ଏହି ଆକ୍ରମଣରେ ଏପର୍ଯ୍ୟନ୍ତ ୧୫୦ ଜଣଙ୍କର ମୃତ୍ୟୁ ହୋଇଥିବାବେଳେ ୧୦୦ ରୁ ଅଧିକ ଲୋକ ଆହତ ହୋଇଛନ୍ତି। ଏହି ମାମଲାରେ ଋଷିଆ ପୋଲିସ ଏପର୍ଯ୍ୟନ୍ତ ୧୧ ଜଣ ଅଭିଯୁକ୍ତଙ୍କୁ ଅଟକ ରଖିଛି, ଯେଉଁମାନଙ୍କ ମଧ୍ୟରୁ ୪ ଜଣ ଆତଙ୍କବାଦୀ ଆକ୍ରମଣ ସହିତ ସିଧାସଳଖ ସମ୍ପର୍କ ରଖିଛନ୍ତି। ଏ ସମ୍ପର୍କରେ ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ କହିଛନ୍ତି ଯେ ଦୋଷୀମାନଙ୍କୁ ଖୋଜି ଖୋଜି ମାରିବୁ।
ଆତଙ୍କବାଦୀ ଆକ୍ରମଣ ଉପରେ କ’ଣ କହିଛନ୍ତି ପୁଟିନ?
ମସ୍କୋର ଏକ କନସର୍ଟ ହଲରେ ଗୁଳିମାଡ ଘଟଣାକୁ ନେଇ ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ ଦେଶବାସୀଙ୍କୁ କହିଛନ୍ତି ଯେ ଆଜି ମୁଁ ଆପଣଙ୍କ ସହ ସେହି ରକ୍ତାକ୍ତ ତଥା ବର୍ବର ଆତଙ୍କବାଦୀ ଆକ୍ରମଣ ବିଷୟରେ କହିବାକୁ ଆସିଛି, ଯେଉଁଥିରେ ଅନେକ ନିରୀହ ଲୋକ ଶିକାର ହୋଇଛନ୍ତି। ଏହି ପରିପ୍ରେକ୍ଷୀରେ, ମୁଁ ମାର୍ଚ୍ଚ ୨୪ କୁ ଜାତୀୟ ଶୋକ ଦିବସ ଭାବେ ଘୋଷଣା କରୁଛି। ଏହି ଘଟଣାର ତଦନ୍ତ କରାଯିବ ଓ ଏହି ଆକ୍ରମଣରେ ସମ୍ପୃକ୍ତ ସମସ୍ତ ଦୋଷୀଙ୍କୁ କଠୋରରୁ କଠୋରତମ ଦଣ୍ଡ ଦିଆଯିବ।
ଆତଙ୍କବାଦୀଙ୍କ କୌଣସି ଜାତୀୟତା ନାହିଁ: ପୁଟିନ
ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ କହିଛନ୍ତି ଯେ ଆକ୍ରମଣକାରୀମାନେ ୟୁକ୍ରେନ ସୀମା ଆଡକୁ ପଳାଇବାକୁ ଚେଷ୍ଟା କରିଥିଲେ। ଯାଞ୍ଚ ଅଧିକାରୀ ଚିହ୍ନଟ ପାଇଁ ସମସ୍ତ ପ୍ରକାର ପ୍ରୟାସ କରିବେ। ଏହି ଅପରାଧୀମାନେ ବିଶେଷ ଭାବରେ ଆମ ଲୋକଙ୍କୁ ହତ୍ୟା କରିବାକୁ ଆସିଥିଲେ। ଆମେ ଆଶା କରୁଛୁ ଅନ୍ୟ ଦେଶ ଯେଉଁମାନେ ଆମର ଯନ୍ତ୍ରଣା ବାଣ୍ଟିଛନ୍ତି, ସେମାନେ ଆମ ସହ ସହଯୋଗ କରିବେ। ଏହି ଆତଙ୍କବାଦୀମାନଙ୍କର କୌଣସି ଜାତୀୟତା ନାହିଁ।
ମସ୍କୋ ଆତଙ୍କବାଦୀ ଆକ୍ରମଣ ପାଇଁ ଇସଲାମିକ୍ ଷ୍ଟେଟ୍ ଗୋଷ୍ଠୀ ଦାୟୀ ବୋଲି ଦାବି କରିଛି। ସେ ଏ ସମ୍ପର୍କରେ ଏକ ବୟାନ ମଧ୍ୟ ଦେଇଛି। ଏଥି ସହିତ, ଋଷର ନେତା ତଥା ତଦନ୍ତକାରୀ ସଂସ୍ଥା କହିଛନ୍ତି ଯେ ଏହି ଆକ୍ରମଣ କୌଣସି ପ୍ରକାରେ ୟୁକ୍ରେନ ସହିତ ଜଡିତ। ଏହି ଘଟଣାକୁ ଅଣଦେଖା କରିବା ପରେ ଆକ୍ରମଣକାରୀମାନେ ସୀମା ପାର କରି ୟୁକ୍ରେନ ଯିବାକୁ ଯୋଜନା କରିଥିଲେ।
ଆପଣଙ୍କୁ କହିରଖୁଛୁ ଯେ ଗୁରୁବାର ଦିନ ମସ୍କୋର କନ୍ସର୍ଟ ହଲରେ ହଜାର ହଜାର ଲୋକ ଏକତ୍ରିତ ହୋଇଥିଲେ। ଏହି ସମୟ ମଧ୍ୟରେ କିଛି ବନ୍ଧୁକଧାରୀ ଆସି ହଠାତ୍ ସେଠାରେ ଆଖିବୁଜା ଗୁଳି ଚଳାଇଥିଲେ, ଯେଉଁଥିପାଇଁ ପୁରା ହଲ୍ ଗୁଳିର ଶବ୍ଦ ସହିତ କମ୍ଫି ଉଠିଥିଲା। ଲୋକମାନେ ନିଜ ଜୀବନ ବଞ୍ଚାଇବା ପାଇଁ ଏପଟ ସେପଟ ଦୌଡିବା ଆରମ୍ଭ କରିଥିଲେ। ଗୁଳି ବିନିମୟ ପରେ ଏକ ବିସ୍ଫୋରଣ ମଧ୍ୟ ହୋଇଥିଲା।
