ବୈଦିକ ଜ୍ୟୋତିଷଶାସ୍ତ୍ର ଅନୁଯାୟୀ ରାହୁ ଖୁବ ଶୀଘ୍ର ନିଜର ନକ୍ଷତ୍ର ପରିବର୍ତ୍ତନ କରିବାକୁ ଯାଉଛନ୍ତି । ୬ ମଇ ୨୦୨୪ ରେ ରାହୁ ରେବତୀ ନକ୍ଷତ୍ରରେ ଚଳନ କରିବେ । ସୋମବାର ଦିନ ୦୬:୩୨ ରେ ରେବତୀ ନକ୍ଷତ୍ରରେ ରାହୁଙ୍କ ପ୍ରବେଶ ହେବ । ରାହୁଙ୍କ ଏହି ନକ୍ଷତ୍ର ପରିବର୍ତ୍ତନ ସମସ୍ତ ୧୨ଟି ରାଶିର ବ୍ୟକ୍ତିବିଶେଷଙ୍କୁ ପ୍ରଭାବିତ କରିବ । କିଛି ରାଶିର ବ୍ୟକ୍ତିଙ୍କ ପାଇଁ ଏହି ସମୟ ଅତ୍ୟନ୍ତ ଶୁଭଦାୟକ । ଆସନ୍ତୁ ଜାଣିବା ସେହି ରାଶି ଗୁଡିକ କଣ କଣ ।
ମେଷ ରାଶି
ଆପଣଙ୍କ ପାଇଁ ରାହୁଙ୍କ ନକ୍ଷତ୍ର ପରିବର୍ତ୍ତନ ଅତ୍ୟନ୍ତ ଶୁଭଦାୟକ । ବିଭିନ୍ନ କ୍ଷେତ୍ରରୁ ଆର୍ଥିକ ଲାଭର ସମ୍ଭାବନା ରହିଛି । କାର୍ଯ୍ୟରତ କର୍ମଚାରୀଙ୍କ ଦରମା ବଢିବାର ସମ୍ଭାବନା ଯଥେଷ୍ଟ ଅଧିକ ରହିଛି । ବ୍ୟବସାୟ କ୍ଷେତ୍ରରେ ମଧ୍ୟ ଆପଣଙ୍କୁ ଭଲ ଲାଭ ମିଳିବ ।
ମିଥୁନ ରାଶି
ମେ ମାସଟି ଆପଣଙ୍କ ପାଇଁ ଖୁସି ଆଣିଦେବ । ଦୀର୍ଘ ସମୟରୁ ପଡି ରହିଥିବା କାମ ଶେଷ କରିବେ । ଘରେ ସୁଖ ଶାନ୍ତିର ପରିବେଶ ରହିବ । ବ୍ୟବସାୟ ଏବଂ ଚାକିରି କ୍ଷେତ୍ରରେ ଆପଣଙ୍କୁ ସଫଳତା ମିଳିବ ।
ତୁଳା ରାଶି
କୌଣସି ସୁତ୍ରରୁ ଆପଣଙ୍କୁ ହଠାତ୍ ଟଙ୍କା ମିଳିପାରେ । ବ୍ୟବସାୟରେ ଭଲ ଲାଭ ହେବ । ରାଜନୀତି କ୍ଷେତ୍ରରେ କ୍ୟାରିୟର କରିବାକୁ ଚାହୁଁଥିଲେ ଆପଣଙ୍କୁ ସୁଯୋଗ ମିଳିବ । ଚାକିରିରେ ପଦୋନ୍ନତୀର ଯୋଗ ରହିଛି ।
କୁମ୍ଭ ରାଶି
ରୋଜଗାର କରିବାର ବାଟ ଫିଟିବ । ନୂତନ ନିଯୁକ୍ତି ଆଶାୟୀଙ୍କୁ ଶୁଭ ଖବର ମିଳିବ । ବ୍ୟବସାୟରେ ଆପଣ ପ୍ରଗତି କରିବାର ସମ୍ଭାବନା ରହିଛି । ବର୍ତ୍ତମାନର ସମୟ ଆପଣଙ୍କ ଭବିଷ୍ୟତ ପାଇଁ ଫଳପ୍ରଦ ହେବ ।
ମୀନ ରାଶି
ରାହୁଙ୍କ ନକ୍ଷତ୍ର ପରିବର୍ତ୍ତନ ଆପଣଙ୍କ ପାଇଁ ଶୁଭଙ୍କର ସାବ୍ୟସ୍ତ ହେବ । ମୀନ ରାଶିର ବ୍ୟକ୍ତିବିଶେଷଙ୍କୁ ଭାଗ୍ୟ ସାଥ୍ ଦେବ । ଆପଣଙ୍କ ଖରାପ ସମୟ ବଦଳି ଭଲ ହେବାକୁ ଲାଗିବ । ଦୀର୍ଘ ଦିନର ସ୍ୱପ୍ନ ସାକାର ହେବାର ସମ୍ଭାବନା ରହିଛି । ଏହି ସମୟରେ ନିଜର ଟଙ୍କାକୁ ସଠିକ୍ ସ୍ଥାନରେ ବିନିଯୋଗ କଲେ ଭବିଷ୍ୟତରେ ଆପଣ ଭଲ ଲାଭ ପାଇବେ ।
